गंध मातीचा (हायकू रचना)
पाऊस भेट
तप्त मातीशी होता
हर्षली लता
गंध मातीचा
कस्तुरीसम वाटे
तनात दाटे
मृदा सुगंध
तन मना भुलवी
जीव फुलवी
गंधी हासली
तरू,पशु ,पाखरे
तृप्त लेकरे
रानी सुवास
घुमे अत्तरा परी
साऱ्या शिवारी
श्री.युवराज गोवर्धन जगताप
काटेगाव ता:-बार्शी
9405237081
नको पावसा रुसू
नको रे पावसा
नको असा रुसू
काळ्या काळ्या ढगात
नको लपून बसू
वाऱ्यासंगे ढगांमध्ये
पिंगा तू रे घाली
पाण्यासाठी जीव माझा
होतोय वर खाली
रानी पडल्या भेगा
आस लागली तुझी
रुसवा तुझा फार झाला
वाट लागली माझी
वाट तुझी पाहून
डोळे आता थकले
किती तरी जीव
जीवास आपल्या मुकले
कुठेच नाही पाणी
वाकून बघ मेघा
थोडा तरी पड रे
नको देवूस दगा
मान्य करतो मी
चूक माझी झाली
हवी तशी झाडी
मीच खूप तोडली
आता कळली चूक
झाडे मी लावीन
थेंब थेंब पाण्याचा
जपून वापर करीन
रुसवा तुझा सोड आता
वाट पाहती वृक्ष लता
सांड जलकुंभ जाता जाता
थांबव ही चित्तरकथा
श्री.युवराज गोवर्धन जगताप
काटेगाव ता:-बार्शी
9405237081
कळी(हायकू रचना)
गुच्छ पाकळ्या
बांधुनी एक मोळी
जन्मते कळी
नाजूक कळी
गर्द हिरव्या पानी
सुगंध गाणी
कोवळी कळी
नवं चैतन्य आशा
सजल्या दिशा
मोहक कळी
उमलण्या आतुर
चक्षु फितूर
खुलता कळी
सुगंधी फुल होई
सौन्दर्य देई
श्री.युवराज गोवर्धन जगताप
काटेगाव ता:-बार्शी
9405237081
नागपंचमी (हायकू)
सरे आषाढ
आला श्रावण मास
माहेर आस
सण पंचमी
बंधू येई मुराळी
खुलली कळी
सजूनी सया
पूजा वारुळा करी
माहेरा दारी
कृषिक मित्र
रक्षितो धन धान्य
कमवी पुण्य
नाग पंचमी
देऊ नागास मान
मित्र महान
श्री.युवराज गोवर्धन जगताप
काटेगाव ता:-बार्शी
9405237081
ओझं कर्जाचं
नाही वाफलं शेतात
दानं पेरून तुरीचं
किती सोसाव्या यातना
ओझं झालंय कर्जाचं
कर्ज काढून आणलं
केली पेरणी दुबार
हाती नाही काही आलं
पैसा गेला रे मोकार
कर्ज काढून काढून
आलं भिकेचे डोहाळे
दुःखी लेकरु चेहरा
माझं काळीज रे जळे
करी मदत मागणी
हात शासनाचे वरी
कसे जगावे जीवन
देहा नापिक डागणी
झालो कर्जानं लाचार
मन उदास उदास
कसा हाकलू संसार
येतो फाशीचा विचार
दाता कसला अन्नाचा
आहे मीच रे उपाशी
देवा नको पाहू सत्व
देरे उभारी मनाशी
श्री.युवराज गोवर्धन जगताप
काटेगाव ता:-बार्शी
9405237081
पड परतीच्या राजा
आले सरत महिने
नाही पाऊस पडला
पावसाळा गेला कोरा
बळी मातीत गाडला
पशु पक्षा नाही पाणी
सारे कोरडे तलाव
घाम मातीत गाळून
होतो माझाच निलाव
ढग थोडाही गळेना
काय करावे कळेना
चारा हिरवा मिळेना
डोळा हाल पाहवेना
हाल अपेष्टा प्राण्यांची
लाही उठली जीवाची
किती ओढ पावसाची
वाट लागे जीवनाची
झाल्या विहिरी कोरड्या
नद्या वाळवंट झाल्या
कशी निसर्ग करणी
भोग नशिबी आपल्या
पड परतीच्या राजा
वाट तुझीच पाहतो
नको देऊस रे दगा
व्यथा हृदयी दाबतो
श्री.युवराज गोवर्धन जगताप
काटेगाव ता:-बार्शी
9405237081
बालपण
आठवता बालपण
जाग्या होती आठवणी
नको मज मोठेपण
हीच ईश्वरा मागणी
नसे वेळेचे बंधन
येते जगता रे मुक्त
घेता येतो रे आनंद
मौज मज्जाच रे फक्त
नसे काळजी मनात
माया सर्वांच्या उरात
खेळ खेळण्या सोबती
सदा उभेच दारात
खेळ मजेचे मजेत
दिन उगवता सुरू
कसा दिवस सरला
कळे न नका विचारू
चाले सदा दंगा खोड्या
खेळ चाले चिरघोड्या
मस्त मजेत रे उड्या
खेळे दगडाच्या गाड्या
टोले विटीला दांडूचे
गोल चकारी रे फिरे
गोट्या खिशात वाजती
खेळ आनंदाचे सारे
रोज मनास वाटते
व्हावे आपण लहान
सर्व सोडून गंगेला
उपभोगू बालपण
श्री.युवराज गोवर्धन जगताप
काटेगाव ता:-बार्शी
9405237081
बापूजीची पंचसूत्री
साधी जयांची राहणी
उच्च तयांचे विचार
कास धरून सत्याची
शुद्ध ठेविले आचार
मार्ग अहिंसा धरुनी
लढा इंग्रजांशी दिला
बंड करुनी उठले
देश स्वतंत्र हा केला
वाममार्ग रे सोडूनी
रस्ता अस्तेय दाविला
शांत सयंमी महात्मा
राष्ट्रपिता रे जाहला
शील ठेविले सुंदर
नाही लागू दिला डाग
ब्रम्हचर्य रे पाळून
मनी फुलवली बाग
साठा संपत्ती पैशाचा
नका करू कोणी आता
वाट रे अपरिग्रह
हाच दाखवी विधाता
स्मृती जागवू अंतरी
होती विभूती महान
माथा ठेवुनी चरणी
गाऊ त्यांचे गुणगान
श्री.युवराज गोवर्धन जगताप
काटेगाव ता:-बार्शी
9405237081
बापू (दर्पण काव्य प्रकार)
बापू
भक्त अहिंसेचे
बापू
राष्ट्राचे पिता
पुरस्कर्ते सत्याचे
बापू
स्वातंत्र्य संग्रामातील
संयमी व्यक्तिमत्व
प्रतिक अस्तेयाचे
बापू
स्वतःचे शील
संभाळ करणारे
मवाळवादी,स्वावलंबी,
पूजक ब्रम्हचर्याचे
बापू
गरजेपेक्षा अधिक
पैसा, संपत्ती,
साठा करू
नका विचार
प्रेरक अपरिग्रहाचे
बापू
श्री.युवराज गोवर्धन जगताप
काटेगाव ता:-बार्शी
9405237081
विद्याधन (अष्टाक्षरी रचना)
साऱ्या धनात रे श्रेष्ठ
आहे बाबा विद्याधन
करा संचय विद्येचा
बना ज्ञानाने संपन्न
करा गोळा ज्ञान कण
किती येवोत संकटे
वाचा पुस्तके अफाट
खुडा अज्ञानाचे काटे
विद्येविना नाही मान
विद्येविना नाही गती
विद्या हीच आहे शान
विद्या करते प्रगती
कणा कणातून विद्या
मार्ग प्रगतीचा दावी
झेप यशाच्या शिखरी
ज्ञान संपादून घ्यावी
ज्याच्या ठायी विद्याधन
तोची जगात श्रीमंत
ज्ञान अमृत पिवूनी
बना गुणी ज्ञानवंत
ज्ञान मशाली पेटवा
करा ज्ञानाचा जागर
घ्यावा ज्ञानामृत रस
भरा विद्येची घागर
श्री.युवराज गोवर्धन जगताप
काटेगाव ता:-बार्शी
9405237081
पहाट
फुटे तांबडे तांबडे
झाली पहाट पहाट
सुरू पक्षांचा कालवा
वाजे रहाट रहाट
गुरे ढोरे लगबग
बाग कोंबडा घालतो
दारी सडा सारवण
वारा मधाळ वाहतो
धूर कोपटात निघे
चुली पेटल्या पेटल्या
झाली सुरूच वर्दळ
बाया कामाला लागल्या
धारा दुधाच्या पिळतो
सड हातात धरुनी
दादा शेतकरी माझा
जातो दुधात रमूनी
सुरू धावपळ जीव
धावे शेतात माऊली
राब राबतो शेतात
देतो कुटुंबा सावली
रवी क्षितिजा दिसता
दाटे सोनेरी प्रकाश
दूर लोटला अंधार
झाले मोकळे आकाश
श्री.युवराज गोवर्धन जगताप
काटेगाव ता:-बार्शी
9405237081
संघर्ष
जन्मताच रे संघर्ष
पाचवीला हा पुजला
सारा समाज पुरता
जाति भेदानं सुजला
जात जन्मतः चिकटे
सुरू जीवन संघर्ष
अंगी फाटके तुटके
संपे मनातील हर्ष
बाप दिनरात राबे
स्वतः उपाशी राहून
चक्षू गाळी अश्रुधारा
त्यांचा संघर्ष पाहून
अन्न घास मिळविण्या
रोज शरीर कष्टते
वस्त्र, निवारा यासाठी
तन आमचे तिष्टते
जरी आली अंतवेळ
वारा संघर्षाचा वाहे
कसा देवही माझ्याच
अंत परीक्षेचा पाहे
दर पावली संघर्ष
आलो झुंजत तयाशी
देवा आता तरी यश
देना माझ्या रे हाताशी
श्री.युवराज गोवर्धन जगताप
काटेगाव ता:-बार्शी
9405237081
अश्रू (हायकू)
उदरी कळा
नयनी अश्रू दाटे
काळीज फाटे
सोसुनी त्रास
वाढवते उदरी
अश्रू पदरी
कोरड्या वांत्या
अश्रू आवंढा गिळे
अपत्य मिळे
पोटी गाठोडे
सांभाळ नऊ मास
अश्रूंचा घास
सरता दिस
वेदना अश्रू काळ
जन्मते बाळ
श्री.युवराज गोवर्धन जगताप
काटेगाव ता:-बार्शी
9405237081
कष्टाची गाणी
सारा संसार गाडीत
रोज नव्याच फडात
वाहे जीवन कष्टात
राबे पोटासाठी हात
तोडी ऊस भराभर
हात पाचट साळती
अंगी घामाची अंघोळ
तन उसांनं कापती
मोळ्या बांधून उसाच्या
गाडी जोमानं भरती
बैल जुंपून गाडीला
कारखाना रे गाठती
नाही तमा ऊन वारा
डोई रवी चढो पारा
कष्ट माऊली संसारा
दुःख तयासी विचारा
बैलासवे राबे माय
हाती कासरा धरुनी
बैल ओढती रे गाडी
गोळा आतडी करुनी
साथ माझिया संसारा
देती बैलही कष्टानं
बैलाच्याच जीवावर
करी संसार नेटानं
घरदार रे सोडुनी
जीव हिंडे रानोरानी
रोज उपसूनी कष्ट
गाती कष्टाचीच गाणी
श्री.युवराज गोवर्धन जगताप
काटेगाव ता:-बार्शी
9405237081
गवत फुले(हायकू)
गवत फुले
निसर्ग जादू भारी
सौंदर्य दारी
गवत फुले
पाचूचा सडा जणू
वेचुनी आणू
गवत फुले
रानामंदी डुलती
मने फुलती
गवत फुले
वेगळाच हा रंग
नयन दंग
गवत फुले
किरणात न्हाली
सुवर्ण झाली
गवत फुले
वाऱ्यात डुले छान
हिरवे रान
गवत फुले
रंगीबेरंगी दिसे
धरणी हसे
गवत फुले
झोका वाऱ्यात घेती
आकाशी नाती
गवत फुले
नटली वसुंधरा
सुगंधी वारा
गवत फुले
नयनी दिसे छान
वेगळा वान
श्री. युवराज गोवर्धन जगताप
काटेगाव ता :- बार्शी
9405237081
श्रावण मासी (हायकू)
श्रावण मासी
हर्ष दाटे मनात
पाना पानात
श्रावण मासी
सजली वसुंधरा
निसर्ग वारा
श्रावण मासी
हिरवी राने वने
हिरवे गाणे
श्रावण मासी
सण सारेच येती
आनंदी नाती
श्रावण मासी
हिरवळ डोंगरी
धरा पांघरी
श्री. युवराज गोवर्धन जगताप
काटेगाव (बार्शी)
9405237081
मैत्री
मैत्री म्हणजे निव्वळ
पाण्याचा निर्मळ झरा
मनातील गुपितं उघड
सांगणारा धुंद वारा
मैत्री म्हणजे धुंद
वाऱ्यावरील झोका
नाते रक्ता पलीकडचे
नाही होणार धोका
मैत्री म्हणजे आनंद
गगनाला भिडणारा
सांकव दोन हृदयाना
विनाअट जोडणारा
मैत्री म्हणजे जीवास
माया देणारा जीवन धागा
असलो दूर परी हृदयात
दोघांच्याही मित्रास जागा
मैत्री म्हणजे मनातील
सुखद अंतरीचा कप्पा
जिथं होतात मन मोकळी
चालतात विविधांगी गप्पा
श्री.युवराज गोवर्धन जगताप
काटेगाव ता :- बार्शी
9405237081
जुडी दुर्वांची (हायकू रचना)
जुडी दुर्वांची
हिरवेगार पान
मस्तकी मान
जुडी दुर्वांची
गणेशा शिरा वर
मस्तक गार
जुडी दुर्वांची
निसर्ग लेण छान
हिरवं गाणं
जुडी दुर्वांची
गुणधर्म औषधी
संपवी व्याधी
जुडी दुर्वांची
एकवीस पर्णाची
रीत प्रथेची
श्री.युवराज गोवर्धन जगताप
काटेगाव ता:- बार्शी
9405237081
गणेश आगमन
आला मास भाद्र
गणेश घेवूनी
मकरे सजली
फुलांच्या माळांनी
सुंदर ती मुर्ती
आणली घरात
हर्ष रे दाटला
सर्वांच्या उरात
सुखाचा निर्माता
गणेशा स्वागत
दुःख रे संहारी
पुजतो मनात
आगाडा हराळी
मस्तकी ठेवितो
नैवद्य मोदक
तुलाच दावितो
घरांच्या दारात
आनंद जोरात
आरती मुखात
चैतन्य देहात
उत्सव सोहळा
करितो साजरा
ठेव रे आनंदी
पार्वती च्या बाळा
श्री.युवराज गोवर्धन जगताप
काटेगाव ता :- बार्शी
9405237081
घुसमट (दर्पण काव्य)
घुसमट
स्त्री जन्माची
घुसमट
शरीरावर पडणाऱ्या
वासनांध नजरांची
घुसमट
वासनेच्या आहारी
गेलेल्या कुत्र्यांच्या
नजरेतील विषाची
घुसमट
विषारी नजरा
चुकवून चारित्र्यावर
शिंतोडे उडू
न देण्याची
घुसमट
उसळत्या तारुण्य
आवेगाना वेळीच
काबूत ठेवून
शील,तन
अकलंकीत ठेवण्याची
घुसमट
श्री.युवराज गोवर्धन जगताप
काटेगाव ता :- बार्शी
9405237081
बैल पोळा
आला रे पोळा
बैल सोहळा
बैलाला धुवा
चांगले चोळा
रिकामे सोडा
नको रे काम
चारून आणा
नको रे घाम
शिंगाना रंग
लावा बेगड
गोंडे लोकरी
शेंबी लगड
ढाल मस्तकी
गळा घुंगरू
पायी तोडे
झूल पांघरु
वरात त्यांची
आता रे काढा
माथी वेशीच्या
नारळ फोडा
पुढे वाजवा
ढोल पिपाणी
नाचा मजेत
वाजवा गाणी
लग्न बैलांची
मजेत लावा
पुराण पोळी
नैवद्य दावा
गुळ कन्यांची
पंगत बसवा
राजाला माझ्या
आज हसवा
----------------------------------
श्री.युवराज गोवर्धन जगताप
काटेगाव ता:- बार्शी
जि:- सोलापूर
9405237081
जाती अंत
माणुसकी हीच आमुची माना हो जात
सांगून गेलेत महंत,साधू आणि संत
परी जाती जातीत भयाण वैर, भांडणे
सांगा कधी होणार आहे जातीचा अंत
कशाला हवे वेगळे झेंडे अन वेगळ्या वाटा
नको कोणा माज अन जातीचा नको नायटा
जातीभेद विषमतेला देऊनी सारेच फाटा
भारतीय बंधूंनो जाती अंता चे शिखर गाटा
संविधानाने दिलेत सर्वांना हक्क समान
प्रत्येकांनी धर्माप्रमाणे आचरण करा गुमान
जातिभेदाचे पेरू नका कोणी वादळी तुफान
समाजातील मानवतेचे जीवन होईल विरान
जन्मास येऊन जेंव्हा पेटते जीवन वात
जन्मदाखल्यास लगेच घट्ट चिटकते जात
शाळा प्रवेशात अगोदर तिलाच नोंदतात
कधी संपणार आहे ही जातीची काळरात
जन्मताच पुसून टाका जातीचा हा डाग
बनवू नका जातीला जीवनाचा रे भाग
मानवता, समानतेला येऊ द्या जरा जाग
कायम जाळून टाका जातीची विषारी आग
नका विणू आपल्या भोवती जातीचे जाळं
जातीसाठी कधी घडवू नका दंगा जाळपोळ
खणून काढा खोल रुजलेली जातीची मुळं
माणसांनो मानवतेची,समतेची जोडा नाळं
श्री.युवराज गोवर्धन जगताप
काटेगाव ता:- बार्शी
9405237081
संविधानात महत्व
सर्वांना सार्वभौमत्व
सर्व धर्म गुणगान
धर्म निरपेक्षास मान
प्रत्येकाचे जीवन शाही
नांदते इथे लोकशाही
संविधानात न्याय
नसे कोणावर अन्याय
अभिव्यक्ती स्वातंत्र्य
संविधानाचा मंत्र
संपविण्या सारी विषमता
दर्जा व संधीची समानता
ज्याची देशावर निष्ठा
प्रत्येक व्यक्तीस प्रतिष्ठा
राष्ट्राची एकता, एकात्मता
शिकवी संविधान बंधुता
श्री.युवराज गोवर्धन जगताप
काटेगाव ता:-बार्शी
9405237081
जन्मास येऊ द्या (अष्टाक्षरी रचना)
कसा खुडतो कोवळी
कळी नाजूक मुलीची
कशी करितो रे हत्या
पोटामधी रे जीवाची
नका दाबू माझा गळा
माय सोसते रे कळा
नका विझवू पणती
पसरेल अंधार काळा
जिथे वाढते स्त्रीभ्रूण
गर्भ मुलीचा पाडती
नसे अपत्य जयाशी
तेथे सारेच रडती
तुझा पुत्र अट्टहास
घेतो माझा श्वास घास
तुझ्या अंगणी येण्याची
मज आहे खूप आस
दिवा लावी दोन्ही घरी
मीच आहे सोनपरी
नको मारुस उदरी
येऊ दे रे तूझ्या घरी
मादी मी रे जन्मदात्री
माया,ममतेची छत्री
जिच्या पोटी घेता जन्म
मग का नको रे पुत्री
श्री.युवराज गोवर्धन जगताप
काटेगाव ता :-बार्शी
9405237081
बाप (शेलकाव्य)
माझा शेतकरी बाप
बाप पोशिंदा जगाचा
राब राबतो मातीत
मातीत पाट घामाचा
त्याच्या घामातून फुले
फुले वावरात पिकं
नाही मागायचा कधी
कधी कोणाला रे भिक
कर्ज काढुनी संसार
संसार करी नेटका
कर्ज घेई जीव त्याचा
त्याचा पदर फाटका
होवो यातना रे किती
किती उरो कर्जबाकी
किती येवोत संकटे
संकटे गाडून टाकी
बाप माझा हरी काळा
काळा मातीत राबतो
आली आपत्ती तरी तो
तो धैर्याने तोंड देतो
बाप वरून नारळ
नारळ आतून गर
नसे कोणी त्याच्या पाठी
पाठी देई सदा धीर
श्री.युवराज गोवर्धन जगताप
काटेगाव ता :-बार्शी
9405237081
बाप (शेलकाव्य)
माझा शेतकरी बाप,बाप पोशिंदा जगाचा
राब राबतो मातीत,मातीत पाट घामाचा
त्याच्या घामातून फुले,फुले वावरात पिकं
नाही मागायचा कधी,कधी कोणाला रे भिक
कर्ज काढुनी संसार,संसार करी नेटका
कर्ज घेई जीव त्याचा,त्याचा पदर फाटका
होवो यातना रे किती,किती उरो कर्जबाकी
किती येवोत संकटे,संकटे गाडून टाकी
बाप माझा हरी काळा,काळा मातीत राबतो
आली आपत्ती तरी तो,तो धैर्याने तोंड देतो
बाप वरून नारळ,नारळ आतून गर
नसे कोणी त्याच्या पाठी,पाठी देई सदा धीर
श्री.युवराज गोवर्धन जगताप
काटेगाव ता :-बार्शी
9405237081
गुरू
गुरू ज्ञानाची घागर
गुरू प्रेमाचा सागर
गुरू मायेचा पाझर
गुरू संस्कार जागर
गुरू माणुसकी झरा
गुरू आपुलकी वारा
गुरू चैतन्याच्या धारा
गुरू संकल्पाचा दोरा
गुरू सदाचार खाण
गुरू सद् विचार बाण
गुरू सद् गुण रान
गुरू सत शील दान
गुरू अनुभव फळा
गुरू कृतीयुक्त मळा
गुरू ज्ञानियाचा डोळा
गुरू बालकांचा लळा
गुरू विकासाची कास
गुरू ज्ञानामृत रास
गुरू विज्ञानाचा ध्यास
गुरू परिवर्तन आस
गुरू ध्येयवादी वेडा
गुरू कल्पनांचा सडा
गुरू जीवनाचा धडा
गुरू कर्तव्याचा कडा
श्री.युवराज गोवर्धन जगताप
काटेगाव ता:- बार्शी
9405237081
पिवळे पान (हायकू )
पिवळे पान
अनुभव पुस्तक
नत मस्तक
पिवळे पान
तारुण्याची ओहोटी
हातात काठी
पिवळे पान
विकारांचे माहेर
देह आहेर
पिवळे पान
आजार पण काळ
वेदना जाळ
पिवळे पान
वार्धक्याचे दर्शक
अंत शीर्षक
पिवळे पान
देहाची शिथिलता
हतबलता
पिवळे पान
ओसरला बहर
दावी स्मशान
पिवळे पान
जीवन समारोप
निवांत झोप
श्री.युवराज गोवर्धन जगताप
काटेगाव ता:- बार्शी
9405237081
भास (दर्पण काव्य)
भास
तुझ्या येण्याचा
भास
नयनातील तिरप्या प्रेमळ नजरेचा
भास
नजरेत खुललेल्या प्रेमाच्या नाजूक हळुवार कळीचा
भास
नखशिखांत शरीरात भरलेल्या रसरशीत जवानीतील ठसठशीत
रूपवान देहाचा
भास
देहात उठलेल्या बेभान झालेल्या तुफानी भावनांच्या सागरातील उसळणाऱ्या मिलनाच्या लाटेचा
भास
श्री.युवराज गोवर्धन जगताप
काटेगाव ता :- बार्शी
9405237081
प्रलय (हायकू रचना)
केरळ राज्य
बरसले आभाळ
चक्षू ओघळ
झाला प्रलय
श्रावण बरसला
जीवास हाय
पाण्याचा लोट
उध्वस्त रे संसार
लागली वाट
वेगात पूर
पाण्यावरी पसारा
मनी काहूर
वाहती सारे
बुडूनी मेले किती
जीवास भीती
निसर्ग घाला
थैमान ते पुराचे
हाल जीवाचे
जीव मारले
प्रसंग हा वाईट
पुराची लाट
घरे बुडाली
आक्रोश झाले बंद
पूर बेधुंद
राख रांगोळी
स्वप्ने गेली वाहून
जीवन होळी
पूर संकट
कसे घडले पाप
निसर्ग कोप
श्री.युवराज गोवर्धन जगताप
काटेगाव ता :- बार्शी
9405237081
वेड सेल्फीचे (काव्यांजली)
मोबाईल वेडी
तरुण पिढी सारी
संकट दारी
घेऊनिया
वेड सेल्फीचे
दुनियेस फार लागले
जीव गेले
कितीतरी
जीव झाला
सर्वांचा आता स्वस्त
सेल्फीत व्यस्त
तरुणाई
सेल्फीचा नाद
नाही हो बरा
स्वतःच मरा
दरीत
जीवाची पर्वा
नाही आता कुणा
खेळ जीवघेणा
कशापायी
मरणाच्या दारी
सेल्फी घेऊन जाई
कशाला घाई
अंताची
सावरा जीवा
थोडे आवरा मन
नाही जीवन
पुन्हापुन्हा
श्री.युवराज गोवर्धन जगताप
काटेगाव ता :- बार्शी
9405237081
रक्षाबंधन (अष्टाक्षरी रचना)
आला श्रावण सणाचा
सण हो माझ्या भावाचा
राखी बांधण्या बहीण
धरी रस्ता माहेराचा
वेड्या बहिणीची माया
ओढ भेट भाऊराया
हवी तिला तुझी छाया
झिजविते तिची काया
संगे घेऊनी लेकरं
गाठी तुझेच रे घर
उभा दारात पाहुनी
भावा दाटे तिचा उरं
हाती घेऊनी आरती
भाळी कुंकू टिळा लावी
ओवाळीते भाऊराया
तुझी प्रगती रे व्हावी
सुख शांती नांदो घरी
शुक्र ग्रह दृष्टी दारी
भाळी अक्षदा रे लावी
मनी कामना रे उरी
बांधी बंधनाचा धागा
राखी बांधते रे हाती
रक्षा कर माझी भावा
ठेवी आशा जपे नाती
श्री.युवराज गोवर्धन जगताप
काटेगाव ता :- बार्शी
9405237081
रक्षाबंधन(दशाक्षरी रचना)
कपाळी कुंकवाचा तिलक
लावूनी भाऊराया तुजला
करी दीर्घायुष्याची प्रार्थना
प्रतीक हे मान सन्मानाचे
बहिणीच्या मनी ही कामना
तिलकावरी शोभे अक्षदा
प्रभाव पडो शुक्र ग्रहाचा
जीवनात सुखाची हो प्राप्ती
भाऊराया प्रति वेडी माया
बहीण मनोमनी जपती
लक्ष्मीचे फळ देऊन हाती
करी परमेश्वरा अर्चना
सुख समृद्धी नांदो घरात
तुझी प्रगती माझे रक्षण
बांधते राखी तुझ्या हातात
श्री.युवराज गोवर्धन जगताप
काटेगाव ता :- बार्शी
9405237081
ओला दुष्काळ (हायकू)
ओला दुष्काळ
निसर्गाची करणी
पाणीच पाणी
ओला दुष्काळ
पिकं झाली पिवळी
जीवन जाळी
ओला दुष्काळ
पावसाचा कहर
वर्षा लहर
ओला दुष्काळ
संसार रे पाण्यात
अश्रू नेत्रात
ओला दुष्काळ
रान हिरवे पाही
खायला नाही
श्री.युवराज गोवर्धन जगताप
काटेगाव ता:- बार्शी
9405237081
आला श्रावण(अष्टाक्षरी रचना)
आला पाहुणा श्रावण
संगे पावसाची धार
मनी आनंद दाटला
वारा नाचे जणू नार
धारा श्रावणाच्या येती
उल्हासीत होई मन
काळ्या नभी इंद्रधनू
करी छानशी कमान
ऊन पावसाचा खेळ
रवि लपतो ढगात
हिरवळ शालूवरी
काढी नक्षी रे वेगात
माथी उजाड डोंगर
नेसे मखमली साज
दवं मोत्यांचे पसरे
कसा सजला तो आज
आला श्रावण शिंपित
जल मोत्यांच्या रे धारा
हिरवाई रंगे रानी
पशु पक्षी मिळे चारा
आला श्रावण घेऊनी
मांदियाळी रे सणांची
नटे तरु,वृक्षवल्ली
जणू दिवाळी रे त्यांची
कवि
श्री. युवराज गोवर्धन जगताप
(काटेगाव ता.बार्शी)
9405237081
ओला दुष्काळ
झाला पावसाळा सुरू
सारा शिवार पाण्यात
रोज बरसते वर्षा
नाही जीव रे जीवात
झड पावसाची लागे
शेत बराबरा करी
घोर जीवा शेतकरी
थाप तनाची वावरी
पाय टाकता फसतो
उडे पिचकारी वर
शेती पाण्यात बुडाली
कसे चालवावे घर
बीज शेतात पेरलं
मनी सपानं पाहिलं
केला कार पावसानं
पिकं पिवळं पडलं
सारा शिवार पिवळा
जणू कावीळ झालीय
आहे मुबलक पाणी
कशी वेळ ही आलीय
ओला दुष्काळ दुष्काळ
चारा जनावरा मिळे
फट फजिती माणसा
पोट अन्नासाठी जळे
श्री.युवराज गोवर्धन जगताप
काटेगाव ता:-बार्शी
9405237081
दि:-०७/१०/२०१८
पाऊस
रवि गेला संपावर,नभी काळोख दाटला
मेघ अंबरी जमले, वारा सुसाट सुटला
संगे वाऱ्याच्या जोरानं,ढग नभात पळती
थंड गारवा लागता, थेंब मातीवर येती
आला पाऊस दारात, मनं उधानलं सारं
झाली भेगाळली रानं,त्याचा पाण्यानच गारं
माती न्हातीधुती होते,धो-धो कोसळती धारा
थेंब टपोरे सांडती, मध्ये पडती हो गारा
ढग भांडतात नभी,वीज लकाकत येई
गुरे,माणसे धावती,शोध निवाऱ्याचा घेई
पडे पाऊस जोरात,नद्या तुफान वाहती
पाणी पडले अमाप, गावे पाण्यात पोहती
लागे पावसाची झड,रानं तनानं झाकलं
कशी करू मशागत,साऱ्या रानात चिखलं
कधी मनास आनंद,देई पाऊस पाऊस
कधी आणी ढगफुटी, जीवा लावीतसे ध्यास
कधी वाहूनही नेई, गुरं,घरदार,ढोरं
कधी संपवी सगळं, भयानक महापूर
कधी बेतात पडूनी, साऱ्या सुखावितो जगा
रानं हिरवं हिरवं, कधी फुलवितो बागा
कवि
श्री. युवराज गोवर्धन जगताप
(काटेगाव ता.बार्शी)
9405237081
चित्र काव्य
भंगारवाला - स्वच्छता दूत
फिरे गावोगावी जीव
गोळा करीत भंगार
धारा अंगात घामाच्या
डोई उन्हाचा अंगार
पत्रा लोखंड प्लॅस्टिक
दारी जाऊन जमवी
पैसा अडका थोडासा
त्याला विकून कमवी
चाले संसार तयाचा
याच भंगारा वरती
दिस उगवता चालू
उन्हा तान्हात फिरती
पोट खळगी भरण्या
सायकल दूर फिरे
ओझी वाहून वाहून
झिजे आयुष्य रे सारे
बांधी गाठोडे वेगळे
तुझा स्वभाव हा जिद्दी
ओझे सायकल मागे
किती जमवली रद्दी
वस्तू नव्याने बनती
जमा भंगार मधून
करी परिसर सेवा
स्वतः कष्टाला वाहून
घाण घरातील कमी
होते देताच भंगार
घर परिसर स्वच्छ
करी स्वच्छता जागर
श्री.युवराज गोवर्धन जगताप
काटेगाव ता:-बार्शी
9405237081
बळी पिकवतो मोती
माती उसवती फाळ
निघे ढेकळं ही कार
वाहे अंगातून घाम
अंगा उन्हाचा रे मार
मागे कुळव फिरतो
गेली ढेकळाची धार
डोई उन्हाचे थैमान
पायी वेदनांचा वार
गाडी जुंपली खताला
सारं वावर झाकलं
जीव जगाची काळजी
जीनं कष्टाला वाहिलं
आता ओढ पावसाची
मेघ दाटले अंबरी
कोसळला मेघ राजा
पिकं येईल नंबरी
झाला वाफसा शेतात
मोती पेरीते तिफण
माती लोटी अंगावर
मागे चालती रासण
कोंब निघाले हिरवे
पिकं रानात डोलती
रास खळ्यात धान्याची
बळी पिकवितो मोती
कवि
श्री. युवराज गोवर्धन जगताप
(काटेगाव ता.बार्शी)
9405237081
हुंडा मागणी
लग्न मुलीचं करण्या
जित्यापनी बाप मरे
वर पित्याची मागणी
पूर्ण करण्या रे झुरे
नावाखाली रे हुंड्याच्या
मागे वरबाप सोने
नाही घेत आम्ही हुंडा
किती दुटप्पी बोलणे
होते वराची मागणी
पैसा, सोने,वाहनांची
पूर्ण करण्या मागणी
दमछाक रे बापाची
गोळा पोटचा सांभाळी
रान करुनि जीवाचे
वर पिता घेतो हुंडा
तोडी लचके बापाचे
सुखी रहावे लेकरू
शेती गहाण ठेवितो
हुंडा देऊन लेकीला
सारा संसार जाळीतो
आहे परी हुंडा बंदी
होते मागणी हुंड्याची
नका घेऊ नका देऊ
आहे गरज काळाची
श्री.युवराज गोवर्धन जगताप
काटेगाव ता:-बार्शी
9405237081
वर्धापनदिन(दर्पण काव्य)
वर्धापनदिन
वर्ष सरले
वर्धापनदिन
नव काव्याचे विचार पेरले
वर्धापनदिन
आपण कवींच्या काव्य प्रतिभेला मस्त हेरले
वर्धापनदिन
काव्य कान्हाच्या प्रेरणेने दर्पण काव्य मना मनात मुरले
वर्धापनदिन
दर्पण काव्यातून
मनातील कल्पना विचार शब्द मोत्यांच्या माळेतून कागदावर पाझरले
वर्धापनदिन
श्री.युवराज गोवर्धन जगताप
काटेगाव ता:-बार्शी
9405237081
कसे सांगू तुला
संसारी माझिया
तू हवीस मला
किती सोसले मी
कसे सांगू तुला---
नजरेत माझ्या
तुझीच ती छबी
हरपलो मी तू
सौंदर्याची खुबी---
सुंदर तू परी
जीव तुझ्यावरी
काळीज बावरे
हो माझी नवरी----
तुझ्याच नादात
पडलो वादात
जातीच्या भेदात
अडकले हात ---
तोडीली बंधने
झुगारल्या रीती
जाळीला हा भेद
जोडण्यास नाती ---
जातीच्या भिंतींना
लाविले सुरुंग
प्रिये तुझ्यासाठी
प्रेमाचा तुरुंग ----
तुझ्याच साठी रे
जीव हा जळाला
देह ही पळाला
कसे सांगू तुला ----
कवि
श्री. युवराज गोवर्धन जगताप
(काटेगाव ता.बार्शी)
9405237081
झळ दुष्काळाची
झळ दुष्काळ लागली
बैलं दावणीत मेली
कोण ओढील रे आता
बैलगाडी ही आपली
नाही कशाचीच पर्वा
ओढू जुंपून ही गाडी
कष्ट करीतच राहू
किती तुटोत आतडी
चल होऊ बैलं दोघं
घेऊ आपण जुंपून
नाही तमा रे कशाची
टाकू कामहे संपून
बैलं आठवती मनी
डोळा गाळती रे पाणी
दोघे होऊ सर्जा राजा
चल तू माझी गं राणी
गाडी ओढून निघतो
साऱ्या अंगातून घाम
कष्ट केल्यापरी नाही
कोणा मिळत रे दाम
आहे जगण्याची आस
जीवा किती होवो त्रास
काळ घेतोय परीक्षा
सोसू दोघे वनवास
श्री.युवराज गोवर्धन जगताप
काटेगाव ता:-बार्शी
9405237081
काव्यांजली
विजयादशमी (दसरा)
काढुनी कचरा
धुवून सारी कपडे
बदलले रुपडे
घराचे
पानावर देव
घट घालते सुवासिनी
पूजा मनातूनी
देवीची
नऊ दिवस
उपवास करी निरंकार
मनीचे विकार
सोडूनिया
दिन दहावा
येई घेऊन दसरा
रागद्वेष विसरा
सर्वकाळ
विचार वाईट
टाका सर्व जाळूनी
रहावे मिळूनी
एकोप्याने
करा सीमोल्लंघन
दुष्ट प्रवृत्तीचे थेट
घ्यावी गळाभेट
मनोभावे
आपट्याची पाने
लहानथोरा देऊन हाती
जपुया नाती
विश्वासाने
श्री.युवराज गोवर्धन जगताप
काटेगाव ता:-बार्शी
9405237081
माझा गाव
मागे वळून पाहता
गाव माझा आठवतो
कोपऱ्यात रे मनाच्या
स्मृती गंध साठवतो
उत्तरेस बालाघाट
सोबतीस माझ्या गावा
डोंगराच्या रांगा मस्त
दिसे सुंदर देखावा
होती एकता, एकोपा
जाती होत्या खूप जरी
हिंदू मुस्लिम एकत्र
नसे समाजात दरी
दिस आठवती सारे
होते नजर बावरी
खुणा पाऊल ढुंडाळी
मन हृदय सावरी
होता भेट सोबत्यांची
बालपण आठवते
मित्र,सख्यांच्या रे जुन्या
आठवणी जागवते
बालपण होते किती
छान अल्लड मधाळ
आम्हा पावलांचे ठसे
उमटत रानोमाळ
ओढ पावले पडती
गाव वाटेच्या दिशेला
तव अंकुर फुटती
गाव भेटीच्या आशेला
असा छान माझा गाव
नाव त्याचे काटेगाव
घेता कोणी त्याचे नाव
घ्यावी वाटे भेट राव
श्री.युवराज गोवर्धन जगताप
काटेगाव ता:-बार्शी
9405237081
संसार
संसार म्हणजे ---
गोपाळ वावर
दुःखाची घागर
सुखाचा सागर
संसार म्हणजे ---
जणू बैलगाडी
नवऱ्याची माडी
बायकोची साडी
संसार म्हणजे ---
देने अन घेणे
रोज तजवीज
पोटाची करणे
संसार म्हणजे ---
लेकराची शाळा
पैसे करा गोळा
नीतिमत्ता पाळा
संसार म्हणजे ---
नातलग मेळा
आनंदाचा मळा
संपत्तीचा ताळा
संसार म्हणजे ---
मुलांचा सांभाळ
कष्टाचं आभाळ
सुखाचा सुकाळ
संसार म्हणजे ---
भविष्य विचार
चांगले आचार
जीवन बाजार
संसार म्हणजे ---
आई बाप सेवा
मिळे तुम्हा मेवा
दुनियेस हेवा
कवि
श्री. युवराज गोवर्धन जगताप
(काटेगाव ता.बार्शी)
9405237081
मुलीचा गर्भ बोलतोय--(मुक्तछंद रचना)
सांग बा
मी तुझाच ना अंश
माय च्या गर्भात
नऊ महिने वाढणारा
तूच ना तो
बाप रुपी यम
गर्भ आहे मुलीचा
म्हणून गर्भ पाडणारा
मग सांग मला
तू यम की बाप?
मला गर्भातच मारून
कशाला करतोस
घडाभर महापाप
मला घाल जन्माला
तुझ्या घरात नांदेल
सुख शांती आपोआप
हे कसले हो बाप
यांना हवंय मूल
पण
तो असावा
वंशाचा दिवा
गर्भातच खुडतात
नाजूक कळ्या
होण्या अगोदरच फूल
सांग ना माय
तू का गप्प राहतेस
माझ्या जन्मासाठी
का नाही करत धाडस
नकोय का तुलाही
मुलगी रुपी पाडस
मुलीचे गर्भ
फेकले जातात
गटारीत नाल्यात
अन कोठेही
माझ्या खुनात
बरबटली तुझी बोटेही
मुलाच्या हव्यासापोटी
भ्रूण हत्या करताना
माय बापाच्या हाताला
का सुटत नाही कापरे
परमेश्वरा तूच आता
यांना चांगलाच झाप रे
ज्यांना नाही आपत्य
त्याच्या जीवाची होते लाही
मी जिच्या पोटी
जन्मावे म्हणते
तिथे मला संपवण्याची घाई
ईश्वरा माझे एकच मागणे
मला मारणाऱ्या बापाच्या
आपत्य सुखासाठी
आयुष्यभर डोळ्यातून
अश्रुधारा गळो
माय तुही होऊन वांझोटी
तुझ्याही गर्भाची कूस जळो
माय बाप हो
मुलगी म्हणून गर्भातच
मला मारू नका
मुलांनीच जन्मास येण्याचा
घेतलाय का हो ठेका
माझा जन्मोत्सव साजरा करून
संसारी जीवनात घ्या
आनंदाचा मायारुपी झोका
मला जन्माला घालण्याचा
घालवू नका सुंदर मोका
नाहीतर
तुमच्याच मुलांना नाहीत
मिळणार बायका
जाणून घ्या संभाव्य धोका
माय बाप हो
तुम्हीच आता भ्रूणहत्या रोखा
कवि
श्री. युवराज गोवर्धन जगताप
(काटेगाव ता.बार्शी)
9405237081
जीवन एक संघर्ष
काटेरी फुलांच्या
काट्यातून चालावं तसं
तप्त धुळीच्या
फुफुटयातून चालावं तसं
जीवन संघर्षमय असतं
उष्णतेनं धगधगुन
निघावं तसं
अग्निडोंबत होरपळून
निघावं तसं
जीवन संघर्षमय असतं
प्रलोभनाला बळी
पडावं तसं
भाकरीवर तुटून
पडावं तसं
जीवन संघर्षमय असतं
कोवळ्या उन्हात
न्हाऊन निघावं तसं
महागाईत भरडून
निघावं तसं
जीवन संघर्षमय असतं
वावटळीत कागदी तुकडा
सापडावं तसं
भुकेल्या सिंहाच्या तावडीत
सापडावं तसं
जीवन संघर्षमय असतं
कवि
श्री. युवराज गोवर्धन जगताप
(काटेगाव ता.बार्शी)
9405237081
हिरवं सपानं
धान्य पेरूनी
ओटी तुझी भरीतो
काळ्या मातीत
हिरवं सपानं पाहतो
काळ्या मातीत
आलं धान छान
मी गातोय हिरवं
हिरवाईचं गुणगान
काळी धरणी नेसली
हिरवा शालू
माझं सपानं बघ
लागलया फुलू
काळ्या मातीचा
थाटचं हाय न्यारा
हिरव्या सपनात माझ्या
हिरवाच भरलाय वारा
हिरव्या रानात
कणीस ताटाले डूलतं
पीक पाहुनी मन
आनंदी आनंदे झुलतं
टच दानं कणसा
कणसात दाटलं
मनी आलयं उधानं
घर धान्यानं भरलं
कवि
श्री. युवराज गोवर्धन जगताप
(काटेगाव ता.बार्शी)
9405237081
प्रेम
प्रेम शरीराच्या
तृष्णेवर करावे
वासनेवर नको
प्रेम डोळ्याच्या
नजरेवर करावे
वासनांधतेवर नको
प्रेम चेहऱ्याच्या
गालावर करावे
प्रसाधनांच्या
लेपावर नको
प्रेम शरीराच्या
अंतरमनावर करावे
उपभोग्य देहावर नको
प्रेम मनाच्या
गाभाऱ्यावर करावे
वासनेच्या वादळावर नको
प्रेम शरीर मनाच्या
अंतकर्णावर करावे
प्रणय आगीवर नको
कवि
श्री. युवराज गोवर्धन जगताप
(काटेगाव ता.बार्शी)
9405237081
पहिला पाऊस (मुक्तछंद )
धगधगता सूर्य
ओकत होता आग
उष्ण झळांचा तर
मनोमनी खूप आला राग
अचानक वाऱ्यांनी
घातली साद
साद कसली ती
ते तर अवचित
आलेलं तुफान वारं
उलथून टाकली त्यानं
क्षणात सगळी
झाडं अन घरं
वादळ वाऱ्याचे ते
अक्राळ विक्राळ रूप
पाहून मी भेदरलो
वाऱ्यामुळे ढगांची
आकाशात जमली गर्दी
शांत झालेल्या त्या
वाऱ्याने जणू आणली
पावसाची वर्दी
आतापर्यंत आग
ओकणार रवी
ढगाआड लपला कधी
हे समजलचं नाही
भर दुपारी
काळरात्र झाल्याचाच
भास होत होता
वाऱ्याचा वेग कमी
झाला तेवढ्यात
ढगांनी गर्जायला
सुरुवात केली
डोळ्यांच्या समोर
वीजांनी नाच सुरू केला
ढगांचा गडगडाट
अन
विजांचा थयथयाट
उरात भीती भरत होता
पत्र्यांवर ताशांचा आवाज
व्हावा तसे थेंब पडू लागले
थेंब कसले ते
जणू खड्यांचा मारा
पावसाच्या सरी कोसळल्या
सरी कसल्या त्या
पाऊस तो मुसळधार
हाच तो पहिला पाऊस
याच त्या पहिल्या पावसाच्या
पहिल्या सरी
पहिल्या पावसाच्या
सरी कोसळल्या
अन
धरणाची धग झाली कमी
धारणीही झाली
तृप्त अन शांत
पहिल्या पावसाचा
ही झाला अंत
कवि
श्री. युवराज गोवर्धन जगताप
(काटेगाव ता.बार्शी)
9405237081
चेहरे (मुक्तछंद)
चेहरे हसरे
चार माणसात बसवणारे
अन
माणसातून उठवणारेही
चेहरे रंग बदलणारे
सारड्याप्रमाणे
समोरच्यास भुलवणारेही
चेहरे लाजरे बुजरे
लाजेने ओशाळणारे
मनास
आतून पोखरणारेही
चेहरे मखमली सुंदर
मनास वेडावणारे
वेडे करून सोडणारेही
चेहरे फसवणारे
आस मनी लावणारे
प्रसंगी फसवून
फास लावणारेही
चेहरे उदास
मन खिन्न करणारे
आभाळ कोसळल्यागत
दुःख भासवणारेही
चेहरे दुःख लपवणारे
बळजबरी हास्य पांघरलेले
यातना लपवणारे
कातडी झाकलेले
चेहरे रडवे
दुःख अश्रूतून वाहणारे
वेदनेच्या डागण्या
हृदयी देणारेही
चेहरे आनंदी
सुख शांती देणारे
अन
प्रसन्नतेचे अथांग सागरही
कवि
श्री. युवराज गोवर्धन जगताप
(काटेगाव ता.बार्शी)
9405237081
निरोप देताना--
पोरी थाटला तुझा
विवाह सोहळा
आप्तजन सारे झाले
अक्षदयास गोळा
मायाही बापाची
आहे बघ वेडी
मंगळसूत्राची तुझ्या
गळा पडली बेडी
फुलास जपावे तसा
जपला पोटचा गोळा
परी आज मज नयनी
पाणी झाले गोळा
माझ्या बापाच्या काळजात
दाटली भयान हुरहूर
मज पापण्यांनी
अडवला पाण्याचा पूर
काळजाच्या तुकड्यास
देताना दुसऱ्या हाती
मज नयनही आज
दुःखाश्रुंचे गाणे गाती
होतीस आजवरी
माझी तू मुलगी
करितो अश्रू पुरांनी
परक्या घरी रवानगी
बाप म्हणुनी करितो
ईश्वरास विनवणी
परक्या घरीही सुखात
राहू दे माझी राणी
कवि
श्री. युवराज गोवर्धन जगताप
(काटेगाव ता.बार्शी)
9405237081
वैशाख ऊन (हायकू)
वैशाख ऊन
सूर्य आग ओकतो
मी लहाकतो
सूर्याचा पारा
पसार वारा होई
डागण्या देई
किरणे तप्त
बसे चटके अंगा
घामाच्या गंगा
भुई तापली
होते आग पायाची
लाही जीवाची
घसा कोरडा
तहान लागे जीवा
थंडावा हवा
तापले ऊन
डोळ्यापुढे अंधार
येई चक्कर
उन्हाच्या झळा
होई जीव व्याकुळ
उष्णता जाळ
डोक्यास ऊन
खूपच खूप पोळे
कातडे जळे
कवि
श्री. युवराज गोवर्धन जगताप
(काटेगाव ता.बार्शी)
9405237081
शाळेला चाललो आम्ही
शाळेला चाललो आम्ही
शाळेला चाललो आम्ही
उठूनी सकाळी सकाळी
सजूनी आवरुनी सावरूनी
भेटण्या मित्र मैत्रिणी
थांबूनीही थांबणार नाही
स्वप्रेरनेने निघालो आम्ही
उधळूनी टाकू वादळे आम्ही
रविकिरणा सम चमकू आम्ही
शाळेला चाललो आम्ही
शाळेला चाललो आम्ही
जिच्या दारातुनी ज्ञानाचे
दरवाजे उघडती
बोलक्या भिंतीही शिकवती
ज्ञानाचे धडे आम्हा
कोणी शिकूनी होते मोठे
कोणी मागेही राहती
आमच्या नशिबाच्या रेषा
शाळेतूनीच बदलती
शाळेला चाललो आम्ही
शाळेला चाललो आम्ही
शाळा म्हणजे ज्ञानाचे मंदिर
संस्काराचे माहेरघर
पेटवूनी ज्ञानाच्या ज्योती
भेदूनी दूर अज्ञान अंधार
ज्ञानाचा पसरू प्रकाश धरणीवर
पेटती ठेवुनी ज्ञानाची मशाल
भविष्य घडवू आम्हीच आमचे विशाल
शाळेला चाललो आम्ही
शाळेला चाललो आम्ही
कवि
श्री. युवराज गोवर्धन जगताप (बार्शी)
9405237081
साथ तू देताना---
साथ तू देताना
मी तुझ्यात गुंग
होऊनी बेभान
जसा वारा वाहे
रानात तुफान
साथ तू देताना
फुलला आपला
संसाराचा गाडा
विश्वासास कधी
नाही गेला तडा
साथ तू देताना
वाळल्या गवता
फुटले तगारे
रुक्ष जीवनास
स्वप्नांचे घुमारे
साथ तू देताना
आशेची फुटली
पालवी कोवळी
दुःखाचा डोंगर
घाली पायदळी
साथ तू देताना
नाही बाळगली
कसलीच तमा
संसार आपला
सुखातच जमा
कवि
श्री. युवराज गोवर्धन जगताप
(काटेगाव ता.बार्शी)
9405237081
व्यसन
दुष्परिणाम व व्यसनमुक्ती
व्यसनाची हो वाट।जीवनास नाट।।
होते बरबादी । आयुष्याची ।।
सिगारेटचा तो धूर।फुफुस चक्काचूर।।
बेडके,खोकल्यास। आमंत्रण सर्वदा।।
तंबाखूचा तो विडा।सडवी जबडा।।
कॅन्सरला आमंत्रण । देई जे ।।
दारूची ती नशा । मोह हवा कशा ।।
पडती आतड्यास भोके। आपल्याची ।।
पुडी ती गुटख्याची । दुर्गंधी तोंडाची ।।
समोरचा न थांबे । आपल्यापुढे ।।।
माव्याची ती सुपारी । दाततोंड रंगवी ।।
बोलताच बत्तीशी दिसे। काळीकुट्ट ।।
नका पिऊ दारू । जीवन सुधारू ।।
उधळू आनंदी आनंद । चौफेर ।।
बिडी,सिगारेट, गांजा । धुराचा लोट ।।
ठेवावा दुरचं सदा ।सर्वांनी ।।
गुटखा,मावा,सुपारी । सगळे विषारी ।।
तोंडाचे वाटोळे करता । कशापायी ।।
तंबाखू ला चुना । नाका आता लावू ।।
राखू मुख आरोग्य । अबाधित ।।
सोडूनी धूम्रपान । काढूनी घाण ।।
जगुया जीवन । आनंदाने।।
कवि
श्री. युवराज गोवर्धन जगताप (बार्शी)
9405237081
"पुस्तके"
पुस्तकाच्या पानापानात
ज्ञानाचे वाहती अमृत झरे
पण जे वाचतील पुस्तके
त्यांनाच ज्ञानामृत मिळेल खरे
पुस्तकात भरपूर असतो
साठवलेला ज्ञानाचा ठेवा
प्रत्येक पुस्तकातून पेरला
जातो विचार नवा-नवा
पुस्तका ला बनवा
आपले चांगले मित्र
विचार संपन्नतेतून उमटेल
समाजात सुरेख चित्र
पुस्तके म्हणजे नाही
केवळ पानांची रद्दी
त्यांनाचं वाचून वाचून
माणूस बनतो मुसद्दी
शहाणपण प्राप्तीसाठी
पुस्तके लागतात वाचावी
आला जरी माउस हाती
डोळ्यात अक्षरे नाचावी
पुस्तके वाचनाचा मनास
लावून घ्या सुरेख असा छंद
दरवळू द्या तुमच्या ज्ञानाचा
समाजात अत्तरासम सुगंध
कवि
श्री. युवराज गोवर्धन जगताप (बार्शी)
9405237081
"जपून टाक पाऊल पोरी"
तारुण्य आलं
तुझ्या दारी
जपून टाक
पाऊल पोरी
कपड्यात दाटलं
तुझं अंग अंग
समाज नजारांचा
विचित्र रंग
तारुण्याचा बहर
तुज नसा नसात
कुत्री मागं मागं
तुझ्याच वासात
ठेऊच नकोस
उघडे अंग
घालूच नकोस
कपडे तंग
वासनेच्या नजरा
अंगावर खिळतील
श्वापदी लांडगे
पदोपदी भेटतील
वेळीच ओळख
वासनांध नजरा
दूर लोट
स्वभाव बुजरा
वासने पोटी
लावतील लळा
शिकार करून
चिरतील गळा
अंग पूर्ण
तुझं झाक
नाहीतर होईल
तारुण्याची राख
लालसेला कोणाच्या
नकोस पडू बळी
स्पर्शिले कोणी
लागावं कानठाळी
स्वरक्षणाचा तूच
उचल भार
जवळ ठेव
सदैव हत्यार
कवि
श्री. युवराज गोवर्धन जगताप (बार्शी)
9405237081
"सत्यधर्माची वाट"
जळणारांनो जळत रहा
फुलून फुलून जळत रहा
कोळशा सारखं----------।।धृ।।
जळून जळून कोळशाची
होईल बघा राख
मदतीसाठी आम्हालाच
मारावी लागेल हाक ----।।१।।
जळणारांनो कोळशा सम
काळोख तुमच्या जीवन वाटेवर
कधीच तुम्हाला यश नाही
सत्यधर्माच्या वाटेवर-----।।२।।
आम्ही जळतोय
दिव्याच्या वातीसारखं
रक्तरूपी तेल जाळून
जळतोय प्रकाशासारखं --।।३।।
जळून जळून होणार नाही
आमची तुजसम राख
मदतीसाठी कधीच तुम्हाला
मारावी लागणार नाही हाक-।।४।।
आमच्या दिव्य,शुभ्र प्रकाशात
डोळ्यासमोर आम्हाला दिसेल
सत्य धर्माची वाट----------।।५।।
कवि
श्री. युवराज गोवर्धन जगताप (बार्शी)
9405237081
अनवाणी
होतो लहान मी जेव्हा
पायी चप्पल न भेटे
स्पर्श मातीचा पायास
खुणा मातीत उमटे
तप्त फुफुटा पायास
जाळ वेदनांचा होई
काटा पायात रुतता
कळ मस्तकात जाई
पडे चिखल्या पायात
होई ठसठस पायी
टाच उलता भयाण
रक्त भळाभळा वाही
पाय फिरे अनवाणी
सारी वेदनांची गाणी
आठवता ते दिवस
येते नयनी रे पाणी
झाला एकच फायदा
रक्त गतीत वाहिले
वार वेदना झेलण्या
रट्ट कातडे जाहले
झाले निडर भक्कम
पाय रे चप्पल विना
देवा ठेव कृपा दृष्टी
अशी वेळ नको कोणा
श्री.युवराज गोवर्धन जगताप
काटेगाव ता:-बार्शी
9405237081
"जीवन माझं"
जीवन माझं जळतयं
जीवन माझं होरपळतयं ।।धृ।।
नवऱ्याच्या दुराव्यानं
अविश्वासानं,मारपीटीनं ।।१।।
सासूच्या सासुरवासानं
जाचानं अन कारा- कारानं ।।२।।
सासऱ्याच्या शिवीगाळीनं
कुजकं बोलण्यानं ।।३।।
जावेच्या किरकिरीनं
कडवट बोलण्यानं ।।४।।
ननंदेच्या अंधुसलेपणानं
लावालावी,चाडबुचकेपनानं ।।५।।
दिराच्या चिडखोरीनं
अकारण अबोलपणानं ।।६।।
कवि
श्री. युवराज गोवर्धन जगताप (बार्शी)
9405237081
"प्रिये----
नुसतंच पाहण्यानं तुझ्या नजरेतलं
काहूर मला कसं कळायचं
माझं काळीज माझं मलाच पोळायचं
प्रिये तुला कधी गं हे सारं कळायचं
नुसतंच हसण्यानं तुझ्या हास्यातलं
गुपित मला कसं कळायचं
माझं ओठ माझं मलाच चटकायचं
प्रिये तुला कधी गं हे सारं कळायचं
नुसतचं चालण्यानं तुझ्या पैंजनातलं
मधुर गीत मला कसं कळायचं
माझं मन माझं मलाच झुलवायचं
प्रिये तुला कधी गं हे सारं कळायचं
कवि
श्री. युवराज गोवर्धन जगताप (बार्शी)
9405237081
"कर्म कहाणी"
काय म्हणावे तुम्हा आता,कशी जन्माची कहाणी
दूर लोटले आयुष्य सारे,अंत आहे बाकी ।।धृ।।
सोसूनिया यातना,दिला जन्म तुम्हा आम्ही
दाविली चौफेरफिरुनी, दुनिया सारी तुम्हा
लाविले तुम्ही,वृद्धाश्रमाच्या दारी आम्हा ।।१।।
पिकल्या पानांना,आधार म्हणुनी आम्ही
हात धरुनी शिकवले,चालण्या तुम्हा
उतरतीच्या वाटेवर,शिव्यांचा डागण्या दिल्या आम्हा ।।२।।
खाऊनी माती,जाळूनी रक्त आम्ही
जगविले ,मायेने वाढविले तुम्हा
दोन वेळच्या अन्नासाठी ,धाडले दुसऱ्या दारी आम्हा।।३।।
गाळुनी घाम,रक्ताचे करुनी पाणी आम्ही
पोसले,शिकविले आम्ही तुम्हा
आयुष्याच्या तिरावर, अनवाणी फिरविले आम्हा ।।४।।
कवि
श्री. युवराज गोवर्धन जगताप (बार्शी)
9405237081
"आई -बाप"
तुम्हीचं माझी आई
अन तुम्हीचं माझे बाप ।।धृ।।
मरून गेली आई
काय केले होते पाप
तुमच्या डोळ्यात पाहिली
मी अश्रूंची होताना वाफ
माझा करणार नाही सांभाळ
म्हणून केले नाही परत लग्न
माझ्या आयुष्यात तुम्ही
येऊच दिले नाही विघ्न
किती सहन केला
माझ्याच साठी ताप
लागली जरी जीवाला
जीवघेणी धाप
माझ्याच साठी सर्व
संकटांशी केलेत दोन हात
माझ्या कोवळ्या आतड्यात
शिजवून खाऊ घातला भात
माझ्याच जीवनासाठी
कशाचाच केला नाही विचार
मनी न आणला अविचार
बनले नाहीत कोणापुढे लाचार
माझ्यात तुम्ही स्वतःला
सतत पाहत राहिले
तुमचेच वैवाहिक आयुष्य
जगायचे राहून गेले
माझ्याच साठी सर्वस्वाचा
तुम्हीच केलात मोठा त्याग
मनाप्रमाणे जगून घ्या आता
येणार नाही मज राग
कवि
श्री. युवराज गोवर्धन जगताप (बार्शी)
9405237081
"क्रांतिसूर्य"
समाजहिता साठी
तळपला सूर्य क्रांतीचा
जयजयकार शब्दसुमनांनी
ज्योतिरावांच्या जयंतीचा
समाजात घडविण्या क्रांती
पेटविल्या ज्ञान ज्योती
पेरली समाज मनात
समता, बंधुतेची नाती
अनिष्ट प्रथा,रुढींचा
वाजवूनी तडाम ताशा
समाजात फुलविल्या
नव विचारांच्या आशा
वर्ण,जातीभेदाच्या
अन्यायाला फोडीली वाचा
भेदाभेद मानणाऱ्या
समाजाचा बदलला ढाचा
अविध्येची करुनी फेड
स्त्री शिक्षणाची रोवली मेढ
समाजात असताना तेढ
मुलींच्या शिक्षणाचं घेतले वेढ
गुलामगिरीच्या तोडल्या बेड्या
हक्काचे सर केले शिखर
उचलुनी लेखणी गुलामगिरीवर
ओढीले आसूड प्रखर
कवि
श्री. युवराज गोवर्धन जगताप (बार्शी)
9405237081
ये ना पावसा
अरे पावसा पावसा
कोठे जाऊन बसला
गाडी ढगांची पळते
त्यात नाही रे दिसला
ढग पळती आकाशी
जोर वाऱ्याचा जोरात
वाट पाहून तुझीच
दाटे काळजी उरात
डोई दिसतात ढग
रग पाण्याची ढगात
थेंब येईना रे खाली
आग पडली पोटात
येना पाहुण्या पावसा
मन आतुर भिजण्या
रवी ओकतोय आग
नको देऊ रे डागण्या
असा कसा रे रुसला
काय आमचा रे गुन्हा
धाव मातीच्या भेटीला
फुटू दे नभास पान्हा
आस तुझ्याच भेटीची
होवू नये ताटातूट
कर माती ओलिचिंब
बंध नात्याचे अतूट
श्री.युवराज गोवर्धन जगताप
काटेगाव ता:-बार्शी
9405237081
दि:- ०९/१०/२०१८
"अवकाळी"
आला वादळी वारा
घेऊन पाऊस अवकाळी
पहा दुःखच लिहिलंय का हो
आमच्या कपाळी
आता दुष्काळातून कसाबसा
होतो कुठं सावरलो
वादळी वारा अन
गारपीटीनं मात्र पुरता बावरलो
मनातून पोखरलोय अन
शरीरानं फक्त उरलोय
जीवनाच्या महाभारतात आता
कौरवासमान लढून लढून हरलोय
आयुष्याच्या वळणावर कर्जाच्या
डोंगराकडे पाहून आता मात्र घाबरलोय
मुलाचं शिक्षण अन मुलीचं लग्न
याच्या चिंतेने पुरता झुरलोय
निसर्ग अन सावकारी कर्ज
यापुढं हतबल झालोय
निराशेच्या पोटी जीवनाचा अंत
करून आता
शरीरानं सुद्धा जीवन वाटेवरून संपलोय
उद्या निवडणुकांचा सुटेल वारा
घोषणांच्या गारांचा पडेल सडा
मदतीच्या होतील घोषणा अवकाळी
पण दिसणार नाही
अन्नदात्या मातेच्या कुंकू कपाळी
कवि
श्री. युवराज गोवर्धन जगताप (बार्शी)
9405237081
"मोबाईलचं वेड"
मोबाईलचं वेड तुला
लयं लागलंय बाई
माझ्यासाठी थोडा
वेळ दे ना आई ।।धृ।।
चार्जिंगला लावून दे
मोबाईल ला फास
माझ्यासाठी सोडून दे
मोबाईल चा ध्यास ।।१।।
मोबाईल चा लई बाई
लागलाय तुला लळा
बाजूला ठेऊन त्याला
दोन घास भरव बाळा ।।२।।
मोबाईलवर सदा
असते तू अन ताई
शाळेत जाण्या- आवरण्याची
माझी होते घाई ।।३।।
दिनरात मोबाईल
असतो तुझ्या उशाला
हाका मारून कोरड
पडते माझ्या घशाला ।।४।।
आज घरी येताना
मोबाईल दे फेकून
बोट माझं धरून
चाल जरा वाकून ।।५।।
मोबाईल चा शोध जर
लागला नसता बाई
कडेवर घेतलं असतं
तू मला आई ।।६।।
कवि
श्री. युवराज गोवर्धन जगताप (बार्शी)
9405237081
राजे परत आलात तर --
राजे तुम्ही परत आलात
तर होईल बघा बरं
सगळीकडं वाहिलं बघा
आनंदी आनंद वारं ।।धृ।।
बारभाई गोळा करून
तुम्ही निर्मिली समता
सगळ्यांचे वेगळे झेंडे
समाजात दिसतेय विषमता ।।१।।
नामोहरम करण्या शत्रूला
वापरला सदा गनिमीकावा
जाहीराती चा भडीमार आता
सगळा नकली फक्त देखावा ।।२।।
परस्त्री मानली माता
अब्रूवर पडू न दिले हात
बेअब्रू करण्या सारसावलेत
आता कित्तेक जणांचे हात ।।३।।
हिंदवी स्वराज्य निर्माणा
तुमची तळपली तलवार
क्षुल्लक कारणा इथे
चौकात होतात वार ।।४।।
दिनरात घाम गाळून
मरत्यात कुणब्याची पोरं
उठवला आवाज तर म्हणती
आलाय का तुला जोर ।।५।।
आजही हर-हर महादेव
घोषणा पडतेय कानी
तुम्हा शोधण्या फिरताहेत
पाय कडेकपारीतुनी ।।६।।
श्री. युवराज गोवर्धन जगताप (बार्शी)
9405237081
"गुलमोहोर"
गुलमोहोर
फुलांचा तो ताटवा
साज वाटावा
गुलमोहोर
गिरी फुलांचा लाल
रंग महाल
गुलमोहोर
लाली सांडतो दाट
पहावा थाट
गुलमोहोर
रंग उधळी नभा
सुंदर प्रभा
गुलमोहोर
धुके पसरी लाल
जणू गुलाल
गुलमोहोर
करी मनास धुंद
निसर्ग गंध
श्री. युवराज गोवर्धन जगताप (बार्शी)
9405237081
दि:- ०२/०४/२०१८
"एप्रिल फूल"
हातात पिशवी
कडेवर छोटे मूल
नयनी तिला पाहता
खुलला माझा जीव
स्वप्नातला होता
हा सत्यरूपी भास
मला तिला भेटायची
लागली होती आस
तिनं हाक मारून घरी
म्हणाली तू आता जेव
मनोमन मला वाटले
पावला आता मला देव
मुलाकडे पाहत ती
हळूच म्हणाली हे मुलं
हे ऐकून धक्क्यानं
माझी बत्ती झाली गुल
ती हसून म्हणाली
ते जावेचे आहे मूल
माझा झाला मामा
तिनं केलं एप्रिल फूल
श्री. युवराज गोवर्धन जगताप (बार्शी)
9405237081
दि:- ०१/०४/२०१८
"खेळ ऊन सावल्यांचा"
जन्मताच तोंडी
चमचा सोन्याचा
लेकरा दूध पाजण्या
आता तोच शिंपल्याचा
कपड्यास कधीच
नव्हता एकही डाग
कपड्यां विन आता
देहाची होतेय आग
फिरायला होती
चारचाकी गाडी
बनलीय आता
पायांची काडी
आहार घेतला
चोपड तुपाशी
मरतोय आता
रोजचं उपाशी
राहायला होती
सुंदर माडी
मिळांना पैसा
कराया दाढी
सगळ्यांनीच केला
माझा लाडच लाड
बायकोला म्हणतो
चटणी भाकर वाढ
झोपायला होता
मऊ मऊ बिछाना
कोणी साधं आता
गोणपाट ही देईना
खर्चास होता
अमाप खजाना
पैसा सुद्धा आता
बघायला मिळनां
श्रीमंतीचा होता
चढलेला माज
उतरला आता
श्रुंगार अन साज
आली गरिबी म्हणून
कधीच नका लाजू
श्रीमंतीच्या काळात
कधीच नका माजू
कवि
श्री. युवराज गोवर्धन जगताप (बार्शी)
9405237081
दि:- ३१/०३/२०१८
"कविता -अशी असावी"
प्रत्येक शब्दात
असावा भाव
हृदयाचा घ्यावा
तिनं भक्कम ठाव
कविता -अशी असावी
प्रत्येक शब्दात
असावा प्राण
वाढीस लागला
स्व-देशाभिमान
कविता -अशी असावी
प्रत्येक शब्दात
असावा ध्यास
कष्टाच्या घामाचा
घुमावा सुवास
कविता -अशी असावी
प्रत्येक शब्दात
असावा आदर
पसरावी हिरवी
निसर्ग चादर
कविता -अशी असावी
प्रत्येक शब्दात
असावा हेवा
नयनी उभारावा
सुंदर देखावा
कविता -अशी असावी
प्रत्येक शब्दात
असावी वेदना
खिन्न मनातील
जागवाव्यात संवेदना
कविता -अशी असावी
प्रत्येक शब्दात
असावी क्रांती
जाती-जातीत
नांदावी सुख-शांती
कविता -अशी असावी
प्रत्येक शब्दात
असावी सल
निर्बलात आणावं
तिनं अपार बल
कविता -अशी असावी
प्रत्येक शब्दात
असावे सुहास्य
विषमतेवर करावे
पडखर भाष्य
कविता -अशी असावी
प्रत्येक शब्दात
असावी ममता
विश्वात नांदावी
समता व बंधुता
कविता -अशी असावी
कवि
श्री. युवराज गोवर्धन जगताप (बार्शी)
9405237081
दि:- २९/०३/२०१८
"पाणी मनानं वाहिलं"
माय तुझ्या पायाचं
रक्त मी पाहिलं
माझ्या डोळ्याचं
पाणी मनानं वाहिलं
रानं सारं तुडवलं
नाही पाया पाहिलं
तुझ्या वेदनेचं गाणं
रक्तानचं गायलं
माती न्हाली रक्तानं
तिला नाही पाहिलं
शेती मातीच्या कष्टानं
जीनं सारं कष्टाले वाहीलं
माय तुझ्या संसाराचं
होईल बघ सोनं
संसारी तुझ्या राहणार
नाही काही काही उनं
रस्त्यात तुझ्या
वाटतं नसावं काटं
पायदळी अंथरावं
माझ्या कातड्याचा पाटं
कवि
श्री.युवराज गोवर्धन जगताप
काटेगाव ता:- बार्शी
9405237081
वाघीनी सारखं वाग
वाघीण म्हणून जन्मलीस
वाघिणीसारखं वाग--------
वाघिणीची कातडी तुझी
शेळी सारखी राहतेस का ?
चौकातिल चार कुत्र्यांची
शिकार होतेस का ?-------
एकदा वाघिणीची एकदा
फोड डरकाळी
वासनांध कुत्र्यांची
कर राखरांगोळी----
नको वाटतो का तुला
गर्दीतून चालताना धक्के
देणाऱ्यांशी घ्यायचा पंगा
शेळीच्या बुरख्यातून
बाहेर पड
अन तुझ्या पंजाचा
एकदाच दाव त्यांना इंगा-----
का तुझ्याच मनात
उठलीय धांदल
म्हणूनच येणारे जाणारे
करताहेत तुझी टिंगल
असं जर नसेल तर
बोटी बोटी करून
बांध त्यांचं बंडल------
कवि
श्री. युवराज गोवर्धन जगताप(बार्शी)
पत्ता:- ९२१/०१/६ प्लॉट नं- १२
वायकुळे प्लॉट उपळाई रोड बार्शी
ता:- बार्शी जि:- सोलापूर
मो.नं. 9405237081
ई-मेल jagtap.yuva@gmail.com
व्यवसाय:- नोकरी (प्राथमिक शिक्षक)
मागोवा
माझ्या कल्पनेच्या माग
तू येत जा
माझा मागोवा
जरा घेत जा
शब्द हरवतात माझ्या स्मृतीतून
ते तू शोधत जा
सापडलेले शब्दमोती
माझ्या काव्य माळेत गुंफत जा
माझ्या काव्य माळेची गुंफण
तुझ्या शब्दा शिवाय पोरकी आहे
माझेच हरवलेले शब्द मोती
मला न दयायला
काय तू परकी आहे
माझ्या जाळ्यातून निसटलेले
मोती रुपी मासे
तू तुझ्या मनरुपी नजरेच्या
गळात अडकवत जा
कवि
श्री.युवराज गोवर्धन जगताप
काटेगाव ता:- बार्शी
9405237081
स्वच्छतेची नाती
झाडीला रस्ता
खराटा घेऊनी हाती
मनाच्या स्वच्छतेवर
किर्तनातून गाजवल्या राती
समाज मनात पेटविल्या
स्वच्छतेच्या ज्योती
तुडविल्या समाजाच्या
जुनाट रीती भाती
नाही होऊ दिली
समाजाची माती
ठेवून फुटके मडके माथी
घेऊन झाडू हाती
प्रबोधनास दिली गती
माणसाशी मानवतेची
जोडीली अतूट नाती
आज आठवूनी तुम्हां
सारे स्वच्छतेची गाणी गाती
कवि
श्री.युवराज गोवर्धन जगताप
काटेगाव ता:- बार्शी
9405237081
लाभार्थी
होय मी लाभार्थी,या सरकारचा
हे माझं ---------------सरकार
केलीत तुम्ही अचानक नोटबंदी
घोटाळे बाजांनीच साधली संधी
शेती मालाला तर हाय मंदीच मंदी
तुम्ही जाहिरातीची सोडू नका एकही संधी
होय मी शेतकरी ,लाभार्थी या सरकारचा
हे माझं -----------सरकार
कच्या तेलाच्या बॅरलची, कमी झाली किंमत
पेट्रोल ,गॅस दर वाढीचे निर्णय,
बघा तुमची हिंम्मत
काय लावलीय राव तुम्ही,
सर्व समान्य लोकांची गंमत
होय मी सर्वसामान्य ,लाभार्थी या सरकारचा
हे माझं ---------------सरकार
प्राथमिक शिक्षणाचा तर झालाय
सगळाच बट्ट्याबोळ
बदल्या च्या निर्णयात तर
सगळा घोळात घोळ
मुलांच्या समोर वाचू द्या
शिक्षकांना एखादी तरी ओळ
होय मी शिक्षक ,लाभार्थी या सरकारचा
हे माझं ----------------सरकार
जी एस टी,सी एस टी तुमचे करच कर
इथं भलं मोठं कर्जाचे ओझं
आमच्या डोक्यावर
अन बसलो आम्ही तुमच्या
स्वप्नांच्या झोक्यावर
पण क्षणात आणलं तुम्ही
आम्हाला जमिनीवर
होय मी व्यापारी, लाभार्थी या सरकारचा
हे माझं ------------------सरकार
महागाईचा सगळीकडेच होतोय
रोजच्या रोजच भडका
आमच्याजवळ ना रोजगार ना पैसे अडका
घ्याव्यात का सांगा दगडाला धडका
आम्हा तरुणांच्या डोक्याचा केलाय
तुम्ही मातीचा मडका
होय मी एक तरुण,लाभार्थी या सरकारचा
हे माझं------------------सरकार
दुसरीकडं ऊसाला जादा,मिळू शकतो भाव
तुम्हाला मात्र सगळं आपल्यालाच ,
असावं अशीच सारी हाव
आंदोलनानं ऊस उत्पादकांची
ऊस पिकवून ही होतेय धावाधाव
अन तुम्ही म्हणता,विकासाचं केंद्र
मानलंय आम्ही तुमचं गाव
होय मी ऊस उत्पादक,लाभार्थी या सरकारचा
हे माझं---------------------- सरकार
कर्जमुक्तीची घोषणा दिलीत तुम्ही धाडून
पात्र लाभार्थी यादी पाहून
घ्यावीत का आमची डोकी फोडून
का घ्यावे आमचे आम्ही
स्वतःला काळ्या आईच्या पोटात गाडून
होय मी कर्जदार,लाभार्थी या सरकारचा
हे माझं ------------------------सरकार
कवि
श्री.युवराज गोवर्धन जगताप
९२१/१/६ प्लॉट नं १२ वायकुळे प्लॉट
उपळाई रोड बार्शी ता. बार्शी जि. सोलापूर
मो.नं. 9405237081
ई-मेल jagtap.yuva@gmail.com
(कवीचे कविते बाबत स्पष्टिकरण
सदर कविता ही भारतातील कोणत्याही
राज्यसरकार वर नसून हे कवीचे स्वतःचे
सरकार आहे या कवितेचा कोणत्याही
सरकारशी संबंध नाही
संबंध आल्यास तो योगायोग समजावा)
हक्क
साऱ्याच गर्भाना
हक्क आहे जन्मण्याचा
मातृत्वातील वतनवारसा
धारित्रीवरती कोरण्याचा
जन्म असो चाळीत वा असो झोपडीत
जन्म असो उघडयावरती वा बंगल्यात
पण प्रत्येक गर्भाला हक्क आहे
एक मूल म्हणून जन्मण्याचा
मुलगा असो वा मुलगी असो
गर्भ असो पोटातील रक्तामांसातील
त्याच्यासाठी तिष्ठत असतो
एक एक क्षण मातेचा
गर्भामध्ये जागत असतो निर्धार
एक मूल म्हणून जन्मण्याचा
दिमाखानं दिसण्याचा
अन कर्तृत्ववानं फुलण्याचा
पण गर्भाचा हक्क आता
हिरावला जातोय जन्मण्याचा
मातृत्वातील वतन वारसा
धारित्रीवरती कोरण्याचा
आता केलं जातंय गर्भजल परीक्षण
परीक्षणात दिसताच मुलगी
केलं जातंय हो गर्भपतन
गर्भपतन------- गर्भपतन
कवि
श्री.युवराज गोवर्धन जगताप
काटेगाव ता:- बार्शी
9405237081
"काळी आई"
तुझ्या काळ्या मातीत
किती कसावं कसावं
तू नाही दिला दाना म्हणून
कसं रुसावं रुसावं---------
ढगा येईना बघ राग
मज देहाची होतेय आगं
ढग देईना टिपूस टिपूस
कसा पिकलं हापूस- कापूस ---
माझी तिफण शेतात
किती जोमानं जोमात
नाही वाफलं शेतात पिकं
किती शेतात खपावं खपावं-----
माझं राबती शेतात हात
किती घामानं भिजावं
नाही पिकलं दानं म्हणून
कसं उपाशी निजावं----
तुला येउ दे आई रागं
माझ्या घामानं फुलवं बाग
रास बघून धान्याची
माझं लेकरू हासलं-------
कवि
श्री.युवराज गोवर्धन जगताप
काटेगाव ता:- बार्शी
9405237081
स्त्री शिक्षणाची गंगोत्री
खरंच तू सावित्री
स्त्री शिक्षणाच्या गंगेची
तूच आहेस गंगोत्री ----------।।धृ ।।
त्याकाळी लोकांना नव्हती
स्त्री शिक्षणाची किंमत
समाजाचा असताना विरोध
ज्योतिरावांच्या साथीन
तूच बांधलीस हिंमत
खरचं तू सावित्री --------------
स्वतः असताना निरक्षर
प्रथम तूच गिरवलंस अक्षर
लाखो स्त्रियांना तूचं केलंस साक्षर
खरचं तू सावित्री -----------------
कर्मठ लोकांनी दिल्या
तूला किती शिव्या
पण अंगावर चिखल शेण झेलून
तू शिकविल्या अक्षररूपी ओव्या
खरचं तू सावित्री ---------
किती सोसल्यास तू
समाजाकडून अवहेलना
परंतू स्त्री शिक्षणाची मुहूर्तमेड
रोवणारी तूच आहेस ललना
खरचं तू सावित्री -----------
समाजाचं एकच होतं सूत्र
चूल आणि मूल
परंतू तू फुलवलसं
स्त्री शिक्षणातून
स्त्री शिक्षणाचं फूल
खरचं तू सावित्री ------------
अक्षररूपी ओव्या गिरवून
तयार झालेत ग्रंथ
पुरुषाच्या बरोबरीनं
स्त्रियाही झाल्यात बुद्धिवंत
खरंच तू सावित्री----------------
कवि
श्री युवराज गोवर्धन जगताप(बार्शी)
9405237081
प्राथमिक शिक्षक
दत्त प्राथमिक विद्यामंदिर बार्शी
शब्दची माझे
शब्दची माझी आस
शब्दची माझा श्वास
शब्दफुलांचा सुवास
शब्दची माझे---------
शब्दची माझा घास
शब्दची माझी रास
काव्य निर्माणचा ध्यास
शब्दाची माझे---------
शब्दची माझी शब्दवृष्टी
शब्दची माझी दृष्टी
निसर्गरम्य शब्दांची सृष्टी
शब्दची माझे ----------
शब्दची माझे बळ
शब्दची अंतरीची कळ
काढि समाज मनातील मळ
शब्दची माझे -------------
शब्दची माझे कोठार
काव्यांगणाचे पठार
वैगुण्यावर शब्दवार
शब्दची माझे --------
शब्दची माझा सहारा
शब्दची माझा सुर वारा
अनिष्ठ प्रथावर मारा
शब्दची माझे -------
शब्दची माझा धीर
शब्दची माझे वीर
अन्यायावर प्रहार
शब्दची माझे --------
कवि
श्री.युवराज गोवर्धन जगताप
काटेगाव ता:- बार्शी
9405237081
काळ्या आईचा धनी
माझ्या काळ्या आईच्या धन्याची
ढगाकडं पाण्याची मागणी
कसा येईना पाऊस
काळ्या आईच्या अंगणी
माझ्या काळ्या आईच्या धन्याची
गुरं लागली मराया
कसा हाकावा संसार
पोरं लागली झुराया
माझ्या काळ्या आईच्या धन्याला
लागली कोणाची नजर
कसा फुटना दुष्काळी ढगाला
पाण्याचा गं पाझर
माझ्या काळ्या आईच्या धन्याला
हुरहूर पोरीच्या लग्नाची
कसा आणावा पैसा अडका
कुणा दारी द्याव्या धडका
माझ्या काळ्या आईच्या धन्याला
शेती नाही पिकाला भात
कसं जगावं जीवन
आता पुरतं टेकलं हात
कवि
श्री.युवराज गोवर्धन जगताप
काटेगाव ता:- बार्शी
9405237081
कविवर्य नारायण सुर्वे याच्यावर
लिहलेली माझी कविता
नारायण
कोण माय माऊली ती
जीनं टाकलं उघड्यावर
बाळ तान्हं
तोची --- नारायण नारायण
गंगारामानं उचलिलं तन
अनं केलं संगोपन
पुरं केलं चौथीचं शिक्षण
तोचि – नारायण नारायण
देवानं केलं रक्षण
काव्याचं दविलं कुरण
शब्दमागे फिरला वणवण
काव्य बनलं जीवन
तोचि--- नारायण नारायण
भारत माता होती इंग्रजांकडं गहाण
स्वातंत्र्याची लागली होती तहान
काव्यानं पेटविलं भारतीयांचं मनं
तोचि ---नारायण नारायण
नराचा झाला नारायण
मराठी भाषेनं दिलं दान
काव्यानं फुलविलं विरान माळरान
तोचि --- नारायण नारायण
धन्य ती माय माऊली
जीनं दिला पुतर महान
त्याचं नाव नारायण
तोचि – नारायण नारायण
कवि
श्री.युवराज गोवर्धन जगताप
काटेगाव ता :- बार्शी
9405237081
बाप माझा
जिवा भावाचा मित्र
कुटुंबाचं मुख चित्र
डोईचं भक्कम छत्र
बाप माझा ------
कुटुंबाचा आधार
सोसतो प्रपंचाचा भार
माझ्या स्वप्नाचा बाजार
बाप माझा -----
संकटातील पाठीराखा
सांगतो नीट वागा
करीत नाही त्रागा
बाप माझा ------
प्रयत्नाला देतो बळ
चुकीला कानाखाली वळ
पोटात नाही मळ
बाप माझा ----
सखा अन सोबती
दिनरात हात त्यांचे राबती
कशी वर्णावी महती
बाप माझा --------
कवि
श्री.युवराज गोवर्धन जगताप
काटेगाव ता :- बार्शी
9405237081
१८ च्या आत नको लग्न
मुलगी लवकर शहाणी झाली
बानं लग्नाची घाई केली
मुलीचं वय झालं होतं चौदा
बापानं केला तिचा सौदा
झालं लगीन तिचं मांडवात
दिस गेलं दोन महिन्यात
तिकडे बाला आनंद झाला
माझा मुलगा बाप होणारं
इकडं बाला आनंद झाला
माझी मुलगी आई होणार
दिस पुरतं सरत आलं
तिला दवाखान्यात भरती केलं
तिचं बाळंतपण झालं
तिला काळानं वरती नेलं
पोर हातावीनं जन्माला आलं
तिनं नाही त्याला पाहिलं
बाळ दोन दिसही नाही जगलं
आई बापाला झालं दुःख
काय केलं होतं आम्ही पाप
म्हणून सांगतो मंडळी
अठरा च्या आत मुलीचं नको लग्न
आई होण्यात येतं विघ्न
कवि
श्री.युवराज गोवर्धन जगताप
काटेगाव ता:-बार्शी
9405237081
कवी-- मी
शब्दांनी बनवितो
काव्य शब्दांचा हार
शब्दांनीच करितो
समोरच्यास गार
कवी - शब्दांचा भुकेला -मी
शब्दमागे फिरतो
होवून मी वेडा
समस्यांवर शब्दातून
ओढतो ओरखडा
कवी - शब्दांचा भुकेला -मी
शब्दांचा ओढतो मी
छंद रुपी गाडा
काव्याचा बांधीतो सुंदर
चिरेबंदी वाडा
कवी - शब्दांचा भुकेला -मी
शब्दांतून मांडतो
वास्तवतेचे चित्र
शब्दांनाच बनवले मी
माझे खास मित्र
कवी - शब्दांचा भुकेला -मी
शब्दांतून करतो
समाज मनावर घाव
कवितेचा भुकेला मी
शब्द घेतात माझ्याकडे धाव
कवी - शब्दांचा भुकेला -मी
कागदावर पेरतो
शब्दांची रांग
किती फिरावे शब्दांपाठी
कविते तूच सांग
कवी - शब्दांचा भुकेला -मी
शब्द भागवतात
माझी भूक,तहान
शब्दचं बनवतील
मला कवितेतून महान
कवी - शब्दांचा भुकेला -मी
कवि
श्री.युवराज गोवर्धन, जगताप (बार्शी)
9405237081
स्पर्धेसाठी
कवी - शब्दांचा भुकेला -मी
शब्दांनीच बनवितो
काव्य शब्दांचा रे हार
शब्दांनीच करितो मी
समोरच्या लोका गार
शब्दामागे फिरतो
मीच होवूनिया वेडा
समस्येला शब्दातून
ओढी खोल ओरखडा
शब्द वेडा ओढतो मी
छंद रुपी काव्य गाडा
कवितेचा बांधीतो मी
छान चिरेबंदी वाडा
शब्दांतून मांडतो रे
वास्तवता काव्य चित्र
शब्दांनाच बनवले मी
माझे सच्चे खास मित्र
शब्दांतून करी साऱ्या
समाजाच्या मनी घाव
कवितेचा भुकेला मी
शब्द घेती माझा ठाव
शुभ्र कागदी पेरतो
काळ्या शब्दांची ही रांग
किती फिरु शब्दांपाठी
काव्यमाय तूच सांग
शब्द भागवतात
माझी भूक नी तहान
हेच शब्द कवितेचे
मला बनवी महान
कवि
श्री.युवराज गोवर्धन, जगताप
काटेगाव ता :- बार्शी
जिल्हा:- सोलापूर
9405237081
शब्दांकुर
शब्द शब्दांकुर व्हावे
वाचूनी लागावा छंद
निसर्ग ,पाउस, वारा
मनास करावे धुंद
शब्द सप्तरंगी व्हावे
रंगात शब्दांच्या दंग
निखारे,शब्द फुलवू
शांतता राहो अभंग
शब्द बनावे पाखरू
फुटावे शब्दास पंख
अन्याय फोडीता वाचा
मारावे जोरात डंक
शब्द जोडीता शब्दास
अचूक बांधावा बंध
वाहत सुटावा गोड
फुलांचा मधाळ गंध
शब्द भक्तीरस व्हावे
भक्तीत होऊनी गुंग
समाज सुधारा साठी
बांधा काव्यरूपी चंग
श्री.युवराज गोवर्धन जगताप
काटेगाव ता:-बार्शी
9405237081
जाणिवा परिवर्तनाच्या प्रातिनिधिक कविता
संग्रहात प्रकाशित
अन्नदाता
तुझा नको सोडू बाणा
खेळ आहे जीवघेणा
नको मनी अविचार
तोंड देरे संकटांना
अन्नदाता तू जगाचा
साऱ्या जगाला पोसतो
येवो कितीही संकटे
ठाक उभा रे राहतो
ओला सुका रे दुष्काळ
नित पाचवी पूजेला
तुझा जीव टांगणीला
दूर लोट संकटाला
रहा कष्ट रे करीत
कोप निसर्गाचा होवो
उठ मातीतून पुन्हा
नशिबी यश रे येवो
नको चिंता नको धास्ती
कर काळावर मात
नक्की सुखाची पहाट
तुझ्या होईल दारात
श्री.युवराज गोवर्धन जगताप
काटेगाव ता:-बार्शी
9405237081
दि:- ०९/१०/२०१८
वसंत
रवीच्या सोनेरी
किरणांची नवी उषा
आला वसंत
घेवूनी नव्या आशा
पान गळीचा
वाजवून सळसळ ताशा
पाना पानातून
नवतीच्या नव्या भाषा
हिरव्या रंगानी
उजळल्या दाही दिशा
वसंत मोहरानी
पसरला आनंदी हशा
झाडांना चढली
हिरवी तजेल नशा
नव पालवीच्या
फुटल्या कोवळ्या रेषा
श्री. युवराज गोवर्धन जगताप
काटेगाव ता:- बार्शी
9405237081
नववर्षाचे स्वागत
हर्षाची गुढी उभारू या
नववर्षाचे स्वागत करू या
भेदभाव मनीचे सोडून सारे
आपलेपणाने वागू या
जाती भेद विसरून सारे
एकतेने राहू या
वैर भावना सोडून सारे
एक दिलाने वागू या
मनातील अढी सोडून सारे
प्रेम भावनेने राहू या
रूढी जुन्या सोडून सारे
नाविन्याची कास धरू या
जीर्ण विचार सोडून सारे
नवसंकल्पनेने जगू या
अविचार सोडून सारे
जीवनात प्रकाश आणू या
अपयशी भावना सोडून सारे
प्रयत्नाने यश मिळवू या
अविवेक मनीचा सोडून सारे
सद् विचाराचे बंध सांधू या
अमांगल्य सोडून सारे
मांगल्याचे तोरण बांधू या
श्री. युवराज गोवर्धन जगताप
काटेगाव ता:- बार्शी
9405237081
"नववर्ष" शुभेच्छा
जुने संपले वर्ष
नव्या वर्षाची चाहूल
नव्या चा मनात हर्ष
नवर्षात पडो तुमचे पाउल
स्वप्ने सारी होवोत
तुमची साकार
जीवनास मिळो तुमच्या
संपन्नतेतून छान आकार
विनाकारण नका करू
काळजी व्यर्थ
प्रयत्नांची करा
तुम्ही अपार शर्थ
प्रामाणिक पणाची
धरा तुम्ही कास
नव वर्षात घ्या
एक एक मोकळा श्वास
तुमच्या जीवनात
येवो सुखाचा सागर
माया,प्रेम,वात्सल्याचा
करावा तुम्ही जागर
नववर्षाची उभारा
भगवी आनंदी गुढी
पारंपारिक कालबाह्य
सोडून द्या रूढी
पंखात येऊ द्या
उंच भरारी घेण्याचे बळ
काढून टाका साठलेला
जुना पोटातील मळ
घडोत तुमच्या हातून
कार्य महान महान
महाराष्ट्राच्या मातीलाही
वाटावा तुमचा अभिमान
जीवन जगा असं
कोणी करणार नाही बोट
वागण्या बोलण्यात
तुमच्या नसावी खोट
जीवन तुमचे राहो
सदाच आरोग्य दायी
तुम्हा साठी शब्द फुले
वाहतो भगवंताच्या पायी
श्री.युवराज गोवर्धन जगताप
काटेगाव ता:-बार्शी
9405237081
कोरडा दुष्काळ
तळ पाण्याने गाठला
पिण्या पाणी नाही थोडं
कोरड्याच नद्या तळी
कसं सोडवावं कोडं
पुरा हंगाम संपला
नाही पाऊस पडला
कुठे असा रे दडला
कसा आम्हाला नडला
कोरडीला बी पेरलं
तवा पडलास थोडा
फुलं लागता पिकाला
कसा घातलास खोडा
गेलं गवत वाळून
नाही हिरवा हा चारा
पीक गेलंय जळून
उभा सुटलाय वारा
वाट पावसा पाहतो
आशा डोळ्यात नाचते
ढग पळतात पुढे
गंगा डोळ्यातून येते
आम्ही कसेबसे जगू
पोटी दोन घास भरू
मुक्या जीवाचे रे हाल
देवा सांग काय करू
श्री.युवराज गोवर्धन जगताप
काटेगाव ता:-बार्शी
9405237081
"पायाची आग"
माय तुझ्या पायाची
होत असल आग
निर्दयी सरकारला
कशी येईना जाग
माय तुझ्या पायाची
जखम किती खोल
शब्द देऊन सरकार
फिरवतय गोल गोल
माय निशाण लाल झेंड्याची
हाती तुझ्या भक्कम
भोळी भाबडी आशा तुझी
सरकार देईन मदतीची रक्कम
माय तुझ्या पायाची
कातडी जरी फाटली
मोर्चातून तू मात्र
माघारी नाही हटली
कमाल तुझ्या पायाची
वेदनेसह मुंबई केली सर
भला मोठा विश्वास तुझा
मायबाप सरकारवर
कवि
श्री.युवराज गोवर्धन जगताप
काटेगाव ता :- बार्शी
940523781
“आमचे राजे”
जिजाऊ च्या पोटी
जन्मला बाळ
गुंफिली त्यांनी
हिंदवी स्वराज्याची माळ
मावळातील पोरं त्यांनी
केली सगळी गोळा
फुलवला स्वराज्याचा
देखणा भगवा मळा
कडेकपारीतून सह्याद्रीच्या
शोधील्या चोर वाटा
शत्रूचा काढिला
शक्कल लढवुनी काटा
शत्रूसंगे लढताना वापरला
सदाच गनिमी कावा
आम्हास वाटे त्यांच्या
पराक्रमाचा हेवा
मावळ्यांचं त्यांच्या पाठी
होतं दहा हत्तीचं बळ
मुघलांनाही त्यांच्यापुढं
काढावा लागला पळ
सग्या सोयऱ्यानीही
त्यांच्या विरुद्ध केलं बंड
संयमानं त्यांचं बंड ही
त्यांनी केलं थंड
कोणत्याही धर्माचा
केला नाही अनादर
कुराणाच्या प्रति परत करुनी
केला धर्म ग्रंथाचा आदर
माझ्या राजाचा
रुबाबच होता भारी
परस्त्री मानली त्यांनी
मातेसमान नारी
लेखिले न इतर धर्मास
त्यांनी कधी कमी
धर्मानुसार जगण्याची
सर्वानाच दिली त्यांनी हमी
स्वराज्य निर्माणाचा
मनी ध्यास घेऊनी
भगवा फडकवला
उंच उंच गगणी
करितो मी राजांना
मानाचा मुजरा
त्यांच्या विचारांची धरुनी कास
जन्मदिन ,स्मृतिदिन करा हो साजरा
श्री.युवराज गोवर्धन जगताप
काटेगाव ता :- बार्शी
940523781
बायको
बायको म्हणजे------
धागा रेशीम बंधाचा
आधार घर धन्याचा
पान्हा तान्हया लेकरचा
सागर प्रेम वात्सल्याचा
श्वास जोडीदाराच्या प्रेमाचा
पदर मायेच्या उबेचा
पाय गृह लक्ष्मीचा
ताळेबंध संसाराचा
ओढा वाहणाऱ्या प्रेमाचा
घास खरपूस भाकरीचा
नाजूक तुकडा काळजाचा
खंबीर साथीदार सहजीवनाचा
श्री.युवराज गोवर्धन जगताप
काटेगाव ता :- बार्शी
940523781
"एक मागणं "
सगळं सुखचं
नको देऊ देवा
दुःखाची ही टोचणी
टोचू दे जीवा
जीवनात असावीच
संकटाची नाजूक कळ
तरच सुखासाठी आणिन
देहात मी बळ
सुखाचा सागरचं
जर मिळाला मला
नाही मिळणारचं
दुःख कधी पहायला
मिळालं सहज सगळं च
नाही जीवनास अर्थ
संकटाशिवाय जगणं म्हणजे
जीवन ही व्यर्थ
जीवनात समस्यांची
असावीच जळजळ
तरच प्रयत्नांची
राहिल सुरु वळवळ
वास खमंग भाकरीचा
जेव्हा तापतो तवा
सुलाखून निघू दे
देह माझा देवा
श्री.युवराज गोवर्धन जगताप
काटेगाव ता :- बार्शी
940523781
मराठीच आमुची
मराठीच आमुचा बाणा । मराठमोळा कणा।।
मराठीच आमुचा गाव । मना मनाचा ठाव।।
मराठीच आमुचा आरसा।अथांग ज्ञानाचा वारसा ।।
मराठीच आमुचा धडा।अंगणातील प्राजक्ताचा सडा।।
मराठीचआमुची भक्ती। अंतरीची शक्ती।।
मराठीचआमुची माता। तुकोबांची गाथा।।
मराठीचआमुची ज्ञानेश्वरी। भाषेची देणगी ईश्वरी।।
मराठीचआमुची भूपाळी।सौभाग्य गोंदण कपाळी।।
मराठीचआमुची माऊली। प्रतिभेची सावली।।
मराठीचआमुची नाती।देवघरातील समईच्या वाती ।।
मराठीचआमुची शान। महाराष्ट्राचे गुणगान।।
मराठीचआमुची शोभा। सकाळ प्रहरची सुंदर प्रभा।।
मराठीचआमुची बोली। शब्दांच्या अर्थांची खोली।। मराठीचआमुचे धैर्य। पराक्रमाचे शौर्य।।
मराठीचआमुचे गाणे। बावन्नकशी खणखणीत नाणे।।
कवि
श्री. युवराज गोवर्धन जगताप
काटेगाव ता :- बार्शी
9405237081
शब्द
शब्द हसवतात
शब्द फसवतात
शब्द मारतात
शब्द तारतात
शब्द खुलवतात
शब्द झुलवतात
शब्द डोलवतात
शब्द कोलवतात
शब्द हरतात
शब्द जिंकतात
शब्द जागवतात
शब्द रागवतात
शब्द देतात
शब्द घेतात
शब्द मिरवतात
शब्द फिरवतात
शब्द फेकतात
शब्द झेलतात
शब्द झोडतात
शब्द मोडतात
शब्द फाडतात
शब्द जोडतात
शब्द कापतात
शब्द छापतात
शब्द वाचतात
शब्द लिहीतात
शब्द तापतात
शब्द झापतात
कवि
श्री. युवराज गोवर्धन जगताप
काटेगाव ता :- बार्शी
9405237081
काव्य म्हणजे ---
आंधळ्याचा डोळा
शब्दांचा सोहळा
काव्य म्हणजे ---
शब्द मोत्यांचा हार
शब्दांचा प्रहार
काव्य म्हणजे ---
प्रस्थापितांची भाकरी
नवोदितांची उमेदवारी
काव्य म्हणजे ---
दारिद्र्याचे चटके
राजकारण्यावर फटके
काव्य म्हणजे ---
अग्नितील आग
सामाजिक विषयांवर राग
काव्य म्हणजे ---
सूर्याचा पारा
नैतिकतेला सहारा
काव्य म्हणजे ---
विचारांच्या गारा
शब्दांचा मारा
काव्य म्हणजे ---
चंद्राचा डाग
व्यवस्थेवर राग
काव्य म्हणजे ---
पांगळ्याचा पाय
ह्रदयाची हाय
काव्य म्हणजे ---
दुधाची साय
कवीची माय
कवि
श्री. युवराज गोवर्धन जगताप
काटेगाव ता:- बार्शी
