"काळी आई"
तुझ्या काळ्या मातीत
किती कसावं कसावं
तू नाही दिला दाना म्हणून
कसं रुसावं रुसावं---------
ढगा येईना बघ राग
मज देहाची होतेय आगं
ढग देईना टिपूस टिपूस
कसा पिकलं हापूस- कापूस ---
माझी तिफण शेतात
किती जोमानं जोमात
नाही वाफलं शेतात पिकं
किती शेतात खपावं खपावं-----
माझं राबती शेतात हात
किती घामानं भिजावं
नाही पिकलं दानं म्हणून
कसं उपाशी निजावं----
तुला येउ दे आई रागं
माझ्या घामानं फुलवं बाग
रास बघून धान्याची
माझं लेकरू हासलं-------
कवि
श्री.युवराज गोवर्धन जगताप
काटेगाव ता:- बार्शी
9405237081
कोणत्याही टिप्पण्या नाहीत:
टिप्पणी पोस्ट करा