बाप माझा
जिवा भावाचा मित्र
कुटुंबाचं मुख चित्र
डोईचं भक्कम छत्र
बाप माझा ------
कुटुंबाचा आधार
सोसतो प्रपंचाचा भार
माझ्या स्वप्नाचा बाजार
बाप माझा -----
संकटातील पाठीराखा
सांगतो नीट वागा
करीत नाही त्रागा
बाप माझा ------
प्रयत्नाला देतो बळ
चुकीला कानाखाली वळ
पोटात नाही मळ
बाप माझा ----
सखा अन सोबती
दिनरात हात त्यांचे राबती
कशी वर्णावी महती
बाप माझा --------
कवि
श्री.युवराज गोवर्धन जगताप
काटेगाव ता :- बार्शी
9405237081
कोणत्याही टिप्पण्या नाहीत:
टिप्पणी पोस्ट करा